«Balabaqshalar boıynsha búgingi mektepke deıingi bilim deńgeıinde balalardy kezekke qoıý jáne qabyldaý 100% tolyq avtomattandyryldy. Balabaqshalarmen qamtý 98%-ǵa jetti. Biraq árıne bul kóbine sandyq kórsetkishter. Qazirgi ýaqytta eń bastysy mazmun máselesin ózgertýge mán berýdemiz»-, dedi Ashat Aımaǵambetov.
Mınıstr óte mańyzdy máseleler retinde oqý standarttaryn ózgertý, tárbıeshilerdiń biliktiligin arttyrý, balalardyń jas erekshelikterin ózgertý jáne metodıkalyq jańartý máselelerin sheshýdi atady.
«Mektep deńgeıindegi talaptardy jeńildetip úsh qalada pılottyq rejımde jan basyna qarjylandyrý jumysyn bastadyq. Sonyń arqasynda qazir jekemenshik mektepterdiń úlesi artyp keledi. Osy tek qana bir jyldyń ishinde jekemenshik mektepterdiń úlesi 75 paıyzǵa artty. Aldyńǵy jyly 70 jekemenshik mektep iske qosyldy»-, dedi ol Ulttyq qoǵamdyq senim keńesiniń onlaın formatta ótip jatqan otyrysynda.
