Merekelik jarystarǵa shamamen 150 myń adam qatysady dep kútiledi. Is-sharalar barlyq óńirdi qamtyp, aýyldyq okrýgterden bastap aýdan, qala jáne oblys ortalyqtaryna deıin ótkiziledi.
Baǵdarlamaǵa negizinen qazaq halqynyń dástúrleri men mádenı murasyn dáripteıtin ulttyq sport túrleri engizilgen. Atap aıtqanda, qazaq kúresi, asyq atý, jamby atý, toǵyzqumalaq, sadaq atý, qusbegilik, aýdaryspaq, kókpar, teńge ilý jarystary josparlanǵan.
Sonymen qatar meıram aıasynda halyq oıyndary men sport jarystary da ótkiziledi. Olardyń ishinde: qoı kóterý, jilik syndyrý, láńgi tebý, arqan tartý, alyptar saıysy syndy dástúrli oıyndar bar. Budan bólek, shaǵyn fýtbol, voleıbol, ústel tennısi jáne dzıýdo týrnırleri de uıymdastyrylady.
Eń kóp sporttyq is-sharalar birneshe óńirde josparlanǵan, bul halyqtyń Naýryzdy belsendi atap ótip, qatysý deńgeıiniń joǵary ekenin kórsetedi.
О́ńirler boıynsha sporttyq-buqaralyq is-sharalar sany:
• Abaı oblysy – 6
• Aqtóbe oblysy – 11
• Aqmola oblysy – 88
• Almaty oblysy – 40
• Atyraý oblysy – 7
• Shyǵys Qazaqstan oblysy – 19
• Almaty qalasy – 21
• Astana qalasy – 10
• Shymkent qalasy – 22
• Jambyl oblysy – 48
• Jetisý oblysy – 82
• Batys Qazaqstan oblysy – 12
• Qaraǵandy oblysy – 22
• Qostanaı oblysy – 77
• Qyzylorda oblysy – 13
• Mańǵystaý oblysy – 88
• Pavlodar oblysy – 80
• Soltústik Qazaqstan oblysy – 18
• Túrkistan oblysy – 65
• Ulytaý oblysy – 18
Naýryznama aıasynda ótkiziletin sporttyq is-sharalar salamatty ómir saltyn nasıhattaýǵa, ulttyq sport túrlerin damytýǵa jáne qoǵamdyq birlikti nyǵaıtýǵa baǵyttalǵan. Merekelik jarystar dástúrli túrde kóp qatysýshy men kórermendi jınap, kóktemgi jańarý men birlik merekesiniń mańyzdy bóligine aınalady.
