«Koronavırýs pandemııasy búkil álemdegi densaýlyq saqtaý júıesi úshin shyn máninde aýyr synaq boldy. Bul ahýal elimizde kásibı dárigerdiń tapshy ekendigin anyq ańǵartty. Buǵan eńbekaqynyń azdyǵy, mamandyqtyń bedeldi bolmaýy, dárigerler quqyǵynyń qorǵalmaýy sebep bolyp otyr. Túrli sala mamandary ishinde eń tómen jalaqyny dárigerler alady», - dedi Q. Toqaev.
Memleket basshysy Úkimetke bıyldan bastap dárigerlerdiń eńbekaqysyn kezeń-kezeńmen kóterýdi tapsyrdy.
«Olardyń aılyǵy ekonomıkadaǵy ortasha jalaqydan 2,5 ese artyq bolýy kerek. Bul kórsetkishke 2023 jylǵa qaraı qol jetkizý qajet. Osy kúrdeli kezeńde barshamyz medısına mamandarynyń qajyrly eńbegine kýá boldyq», - dedi Prezıdent.
