Koronavırýs • 27 Mamyr, 2020

Jambyl oblysynda bir otbasynda tórt adamnan koronavırýs anyqtaldy

320 ret

kórsetildi

1 mın

oqý úshin

Sońǵy táýlikte Jambyl oblysynda koronavırýstyq ınfeksııa juqtyrýdyń taǵy 15 deregi tirkeldi. Taraz qalasynda 12, Jambyl aýdanynda 2 jáne Merki aýdanynda 1 jaǵdaı anyqtalyp otyr. Atap aıtqanda, qaýipti indettiń belgileri bir otbasynyń tórt múshesinen, onyń ishinde eki kámeletke tolmaǵan baladan tabylǵan. Epıdemıologııalyq zertteýge sáıkes, otbasy músheleriniń bireýi buǵan deıin aýyrǵan naýqaspen baılanysta bolǵan.

Hamıt ESAMAN

Jambyl oblysynda bir otbasynda tórt adamnan koronavırýs anyqtaldy

Sondaı-aq Taraz qalasynyń 81 jastaǵy turǵyny jedel respıratorlyq vırýstyq ınfeksııa belgilerimen ýchaskelik dárigerge júgingen. Onyń zertteýleri koronavırýstyq ınfeksııanyń bar ekendigin rastady.

Taǵy bir jaǵdaı skrınıngtik tekserý arqyly 1980 jyly týǵan Taraz qalasynyń turǵynynan anyqtalǵan. Búginde barlyq naýqastar juqpaly aýrýlar aýrýhanasyna jetkizilgen. Olarmen baılanysta bolǵandar anyqtalyp, karantınge alynǵan. Oshaqtarda dezınfeksııalyq sharalar júrgizilgen.

Jalpy búgingi jaǵdaı boıynsha Jambyl oblysynda koronavırýstyq ınfeksııanyń 358 jaǵdaıy anyqtalyp otyr. Al, barlyq dert juqtyrǵandardyń 173-i saýyǵyp, dárigerlerdiń baqylaýyndaǵy úı karantınine shyǵarylǵan.

Jambyl oblysy