Baıqaýda Nurjanbek «Ekologııa jáne ǵaryshtyq qyzmet» bólimi boıynsha oblystyń klımattyq jaǵdaıynda «Fıtop» bıologııalyq preparatynyń kúrishtiń ósýi men damýyna áserin taldaý nátıjelerin tanystyrdy. Joba jetekshisi, bıologııa pániniń muǵalimi Gúlnaz Ábdikamalovamen birge mektep zerthanasynda arnaıy tájirıbe ótkizgen ol atalmysh tyńaıtqysh kúrish tuqymdarynyń ónimdiligin 30 paıyzǵa arttyrýǵa múmkindik beretindigin dáleldegen. Qazylar jobanyń mańyzdylyǵyn joǵary baǵalap, júldeli ekinshi orynmen marapattady.
Preparatty qoldaný tuqymnyń óný energııasyn kóbeıtip, tamyrdy jaqsartady jáne vegetasııalyq kezeńde aýrýlarǵa tózimdiligin arttyrady. Eń bastysy, buǵan kóp shyǵyn ketpeıdi, – deıdi Nurjanbek.
«Daryn» ǵylymı-praktıkalyq ortalyǵy uıymdastyratyn jyl saıynǵy ǵylymı saıys bıyl alǵash ret beınekonferensııa formatynda ótipti. Qazaqstan, Reseı jáne Qyrǵyzstannyń 143 qatysýshysy ózderiniń ǵarysh, ǵaryshtyq tehnologııalar, astrofızıka jáne modeldeý salalaryndaǵy ónertabystary men zertteýshilik teorııalaryn qorǵady.
