Bıyl 3250 talapker (qazaq tilinde bilim alatyndar sany-1693, orys tilinde bilim alatyndar sany-1538) UBT tapsyrýǵa ótinish bergen.
Al, oblys ortalyǵyndaǵy Daryndy balalarǵa arnalǵan mamandandyrylǵan mekteptiń 19 túlegi shet tilinde UBT tapsyrady. Ulttyq biryńǵaı test 20 maýsym men 5 shilde aralyǵynda ótedi. Elimizdegi barlyq mektepterdegi sııaqty óńirimizde de sońǵy qońyraý saltanaty onlaın rejımde ótedi.
Sonymen birge «El Arna»,«Balapan» telearnalarynda 11-synyp oqýshylaryna arnalǵan kásibı baǵdarlaý boıynsha biryńǵaı telesabaq uıymdastyryldy. Al 25 mamyrda saǵat 11.00-de onlaın-translıasııa arqyly Bilim jáne ǵylym mınıstri shákirtterdi oqý jylynyń aıaqtalýymen quttyqtady.
Sondaı-aq osy jyly túlekter keshi bolmaıdy. Barlyq merekelik sharalarǵa tıym salynǵan. Mektep bitirýshiler úshin attestat tapsyrý jáne sońǵy qońyraý rásimi 3-4 maýsym kúnderi sanıtarlyq talaptardy saqtaı otyryp ótkiziledi. Mektepke ata-analardyń da kelýine ruqsat beriledi. Biraq shara ár synypta jeke ótkiziledi. Máselen, 30-40 mınýttyń ishinde bir synyp qatyssa, odan keıin sál úzilis jasap ekinshi synyptyń túlekteri shaqyrylady.
Pavlodar oblysy
