Qazaqstan aýmaǵynan shetelge qonys aýdarýǵa nıetti jandardyń deni 30 ben 45 jas aralyǵyndaǵy adamdar. Jyl basynan beri oblys boıynsha 700-ge jýyq aqmolalyq turaqty mekenjaıyn aýystyrǵan.
– Negizinen Reseı Federasııasyna, Germanııa, Polsha elderine, ıaǵnı Eýropaǵa kóshetinder kóp. Elimizde tótenshe jaǵdaı engizilgennen keıin biz bul qyzmetti toqtatqan bolatynbyz. Qazir qaıtadan qalypty rejımde qujat rásimdep jatyrmyz. О́tinish bildirýshiler qyzmettiń bul túrin halyqqa qyzmet kórsetý ortalyqtary arqyly da rásimdeı alady,–deıdi oblystyq polısııa departamenti kóshi-qon qyzmeti basqarmasynyń bastyǵy Aqylbek Madǵulov.
Oblystyq kóshi-qon basqarmasynyń mamandary ózge elge kóshý derekteriniń kóbeıgenin aıtyp otyr. Áli de kelip keńes alýshylar sany azaıatyn emes. Astary alańdatarlyq-aq másele.
Aqmola oblysy
