Bul joly polıseıler Rýdnyı qalasyndaǵy oblystyq balalar úıine bardy. Munda 228 bala tárbıelenýde, onyń toǵyzy mektepke deıingi jasta.
Oblystyq PD bastyǵynyń orynbasary Ardaq Yntyqbaev balalarǵa sporttyq buıymdar tabys etti. - Karantın jaǵdaıyna qaramastan, balalardy qorǵaý kúni qarsańynda «Dınamo» qoǵamymen birlese otyryp, balǵyndarǵa qajetti sporttyq qural-jabdyqtar tartý etýdi jón sanadyq. Biz bul mekeme tárbıelenýshileriniń kóptegen sporttyq jetistikteri bar ekenin jaqsy bilemiz, - dedi A. Yntyqbaev.
Osy oraıda, balalar úıi fýtbol komandasynyń ótken jylǵy Qazaqstan chempıonatynda ekinshi oryn alyp, osyndaǵy Olga Kım esimdi qyzbalanyń ústel tennısinen respýblıkalyq týrnır jeńimpazy bolǵanyn aıtpaı ketpeýge bolmaıdy.
Rýdnyı balalar úıi dırektorynyń tárbıe jumysy jónindegi orynbasary Elena Spasıýk polıseılerge kóńil bólip, kómek kórsetkeni úshin alǵys aıtty.
- Biz polısııa qyzmetkerlerine óte rızamyz. Bıyl Naýryz merekesi qarsańynda da tártip saqshylary túrli syılyqtar tartý etip, balalardy qýantyp ketip edi. Bizdiń túlekterdiń arasynda polısııada qyzmet etetinder bar. Árıne, olardy únemi maqtan tutamyz. Bıyl bir túlek QR IIM akademııasyna túsýge daıyndalýda,- dedi E. Spasıýk.
Syılyqtar tabys etilgen soń balalar polıseılerge alǵys aıtyp, beınejazba joldady. О́tken jyly da polıseıler Balalardy qorǵaý kúni qarsańynda balǵyndarǵa qonaqqa kelip, merekelik konsert uıymdastyrǵan bolatyn.
Qostanaı oblysy
