Qazaqstandyq komandanyń sapynan ketkender arasynda óz jerlesterimiz Madııar Ybyraıbekov, Damır Rysbaev, Maksım Semenov, Talǵat Jaılaýov jáne kanadalyq Dastın Boıd syndy oıynshylar bar. О́z otandastarymyzdan arasyndaǵy eń tájirıbelisi Maksım Semenov pen Talǵat Jaılaýov ekeni daýsyz.
36 jastaǵy Maksım Semenov 2013 jyly Iаroslavldiń «Lokomotıvinen» «Barysqa» aýysyp, sol ýaqyttan beri aıtýly ujymnyń sapynda óner kórsetti. 34 jastaǵy Talǵat Jaılovtyń da jasyndaı jarqyraǵan kezin jankúıerler umyta qoıǵan joq. 25 jastaǵy Damır Rysbaev tafgaı retinde tanyldy. Olardyń barlyǵy da О́skemen hokkeı mektepteriniń túlegi. Al 24 jastaǵy Madııar Ybyraıbekov kelesheginnen zor úmit kúttiretin oıynshylardyń biri.
Úıeńki japyraqtar eliniń ókili jaıynda aıtar bolsaq, onyń da «Barysqa» sińirgen eńbegi eren. Osydan birer jyl buryn Qazaqstannyń azamattyǵyn alǵan 33 jastaǵy Dastın Boıd bul kúnderi ulttyq qurama komandamyzdyń sapynda óner kórsetýde.
