Aımaqtar • 30 Mamyr, 2020

Ertistiń sýy egistikke paıdaly

600 ret

kórsetildi

1 mın

oqý úshin

Bıyl Pavlodar óńirinde egin sharýashylyǵyn qoldaýǵa 4,5 mlrd. teńge sýbsıdııa bólingen. Jalpy, 618,3 myń gektar alqapqa dándi daqyldar egilgen. Alqaptardy tyńaıtý maqsatynda 14,3 myń tonna mıneraldy tyńaıtqysh satyp alynǵan. Kókónis ósirýishler 6,8 myń gektarǵa kókónis tuqymyn seýip, baqsha daqyldary 1,7 myń gektarǵa, al, 18,8 myń gektar alqapqa kartop otyrǵyzylǵan

Farıda BYQAI

Sharýashylyqtardyń egistikke qajetti tehnıkasy jetkilikti. Kóktemgi egis jumystaryna 19,1 myń tonna arzandatylǵan janar-jaǵarmaı bólingen. Sonymen qatar, «Agrarlyq nesıe korporasııasy» AQ arqyly «Agro bıznes» jáne «Keń dala» baǵdarlamalary aıasynda kóktemgi egis jáne egin jınaý jumystaryn júrgizýge 3,3 mlrd. teńgege 133 nesıe berilgen.

Mysaly, óńirdegi Ertis aýdanyndaǵy - «Orazbaev» sharýashylyǵynda táýligine 45 tonnaǵa deıin astyq óńdeıtin dıirmen kesheni jumys isteıdi. Aýdanda kóktemgi egis jumystary júrgizilýde. Qazir 173 myń gektar alqapqa egin egilgen.

Sýarmaly alqapqa 1 myń gektar bıdaı, qaraqumyq, soıa jáne júgeri túrleri ósiriledi. Al, aýdandar úshin Ertis ózeniniń sýyn paıdalaný jáne sýarmaly alqapty damytý mańyzdy baǵyt. Sondyqtan, jer paıdalanýshylar ınfraqurylymdar qurylysymen qatar ózderiniń ınvestısııalyq baǵdarlamalaryn jasaýǵa kirispekshi.