Keshe ǵana Petropavldaǵy arnaýly HQKO-ǵa úsh azamat qaırylyp, kólikterin tirketip aldy. Sonyń ishinde byltyr 2011 jyly shyqqan Hyundai Elantra avtokóligin Armenııadan ákelgen Dýlat Ábishev eken. «Men kóligimdi tirketýge ruqsat berilgenine qatty qýandym. Bar bolǵany 12 myń teńgege temir tulparymdy tirketip alyp, endi elimizdiń barlyq túkpirlerine erkin bara alatyn boldym», deıdi ol qýanyp.
Taǵy bir petropavldyq Ivan Kozak ta osyny aıtyp jatyr. «Bul halyq tilegine qulaq asatyn memlekettiń áreketi dep bilemin. Naǵyz durys sheshim osy boldy ǵoı», deıdi ol da qýanyshyn jasyra almaı.
Qazir Petropavldyń jergilikti polısııasy tirkeýden ótkizýdiń tártibi týraly barlyq osyndaı avtokólik ıelerin habarlandyryp jatyr. «Tirkeletin avtomobılder Armenııadan 2020 jyldyń 1-shi aqpanyna deıin engizilgender jáne tek qana róli sol jaqta bolatyndar. Basqa mashınalar boıynsha ázirge ruqsat joq. Tirkelý úshin avtokólik ıeleri 11946 teńge tóleıdi. Bul somaǵa tehpasport pen memlekettik nomerdiń poshlınany engen», deıdi SQO PD Ákimshilik polısııa basqarmasynyń bastyǵy, polısııa podpolkovnıgi Jasulan Ospanov.
PETROPAVL
