Bilikti mamandarǵa kóńil bólgeni qýantady

Biz Prezıdenttiń qazirgi tańda dári­gerlik mindetterdi tıisinshe oryndamaý týraly uǵymdy zań júzinde jáne naqty ajyratý qajettiligi týraly aıtqan sózin tolyq qoldaımyz. Prezıdent ǵylymdy damytýǵa úlken kóńil bólýde. Úkimettiń irgeli ǵylym men zertteý ınstıtýttaryn bazalyq qarjylandyrý kólemin ulǵaıtý múm­kindigin qarastyrý kerektigin atap ótti. Aıta keteıik, Qazaq onkologııa já­ne radıologııa ǴZI-da klınıkalyq já­ne ǵylymı-zertteýlerdi sapaly júr­gizý úshin qarjylandyrýdy da, mate­rıaldyq-tehnıkalyq bazamen jab­dyqtaýdy da talap etetin klınıkalyq zertteýler júrgiziledi. Sonymen qatar onkologııalyq aýrýlardyń aldyn alý men erte asqyndyrmaı dıag­nostıkalaýǵa úlken kóńil bólinip otyrǵanyn atap ótkim keledi. Máselen, Qazaqstan halqy úshin emhanalarda onkoskrınıngter sút bezi obyryna, kolorektaldy obyrǵa jáne jatyr moıny obyryna tegin júrgiziledi. Jyl saıyn memlekettik bıýdjetten skrınıngter júrgizýge 4 mlrd teńge bólinedi. Qazirgi tańda, COVID-19-ǵa qatysty jaǵdaıdy eskere otyryp, árbir adam sanıtarlyq-epıdemııalyq normalar men jeke gıgıenanyń mańyzy men saqtalýyn túsinýi tıis.

QazOjRǴZI-da bizdiń mamandary­myzdyń biliktiligin arttyrýda júıeli túr­de jumystar júrgiziledi. My­saly, oqy­tý konferensııalary, mas­ter-klas­tar, shet­eldik mamandarmen birlesken týmor­bordtar. Sondyq­tan Prezıdenttiń joǵary bilikti ma­mandarǵa kóp kóńil bólgeni qýanta-
dy.

QazOjRǴZI ujymy Memleket basshysynyń barlyq bastamalaryn qoldaıdy jáne otandyq medısınanyń jańa, sapaly deńgeıin kóterý úshin qolynan kelgenniń bárin jasaıdy.

Dılıara QAIDAROVA,

Qazaq onkologııa jáne radıologııa ǵylymı-zertteý ınstıtýtynyń basqarma tóraıymy,

UǴA akademıgi

ALMATY