Táýelsiz aýdıtor – Ernst & Young kompanııasynyń qorytyndysy boıynsha Bank VTB (Qazaqstan) 2019 jylǵy taza tabysy 4,6 mlrd teńgeni qurady, bul ótken jyldyń nátıjesinen 10%-ǵa artyq. 2018 jylǵy 31 jeltoqsandaǵy derektermen salystyrǵanda bank aktıvteri 19%-ǵa artyp, 209 mlrd teńgeni qurady, kapıtal 2,2%-ǵa artty, ol 21,4 mlrd teńgeni qurady.
«Qarjy naryǵyn retteý jáne damytý jónindegi agenttiktiń jalpy álemdik úrdisteri men nusqaýlyqtaryna sáıkes Bank VTB (Qazaqstan) aksıoneri taza paıdany bólmeý jáne 2019 jylǵa dıvıdend tólemeý týraly sheshim qabyldady. Bul qosymsha beriktik qory bankke el ekonomıkasyn Kredıtteý qarqynyn arttyrýǵa kómektesedi», dep atap ótti Bank VTB (Qazaqstan) Basqarmasynyń Tóraǵasy Dmıtrıı Zabello.
2019 jyldyń qorytyndysy boıynsha aýdıttelgen eseptilik derekterine sáıkes banktiń depozıttik qorjynynyń kólemi 28%-ǵa artyp, 123,5 mlrd teńgeni qurady. Kredıttik portfel 122,9 mlrd teńgege deıin 25,6%-ǵa ósti.
S&P Global Ratings halyqaralyq reıtıng agenttiginiń nusqasy boıynsha Bank VTB (Qazaqstan) el bankteri arasynda eń joǵary kredıttik reıtıngterdiń biri: uzaq merzimdi «VV+» deńgeıinde, qysqa merzimdi – «V» deńgeıinde. Reıtıngtiń ózgerý boljamy – «turaqty».
