Bıyl tórtinshi márte uıymdastyrylǵan ádebı-onlaın konkýrsqa 207 qalamger qatysýǵa ótinish bildirip, poezııa, proza, dramatýrgııa nomınasııalary boıynsha shyǵarmalaryn usyndy. Shyǵarmalar arasynan úzdikterdi belgili qoǵam qaıratkerleri, tanymal aqyn-jazýshylar men ádebıettanýshy ǵalymdardan quralǵan qazylar alqasy anyqtady.
2019 jyldan bastap, ádebı konkýrsqa orys tildi qalamgerler de qatysýda. Bul jyldan jylǵa konkýrstyń geografııasyn keńeıtýge septigin tıgizdi. Bıylǵy konkýrsqa Ázirbaıjan eliniń qalamgerleri aýyl taqyrybyndaǵy shyǵarmalaryn joldap, úzdik shyqqan týyndy avtory «Aýyl» partııasynyń arnaıy júldesimen marapattalady.
Ádebı konkýrstyń bas júldesi «Altyn Tuǵyr» belgisi. Onyń ıegeri úsh nomınasııa boıynsha 1 oryndy jeńip alǵan qalamgerlerdiń arasynan qazylar alqasynyń sheshimimen anyqtalady. Bıylǵy «Altyn Tuǵyr» belgisiniń ıegerine Abaı Qunanbaevtyń 175 jyldyǵyna oraı, qosymsha aqshalaı syılyq taǵaıyndaldy.
«Aýyl» partııasy jyl saıyn ádebı konkýrsqa kelip túsken shyǵarmalardyń arasynan úzdik týyndylardy iriktep, «Altyn Tuǵyr» úsh tomdyq jınaǵyn jaryqqa shyǵaryp keledi. Poezııa, proza, dramatýrgııa janrynda aýyl taqyrybyndaǵy eń úzdik týyndylar toptastyrylǵan jınaq respýblıkalyq jáne aımaqtyq kitaphanalarǵa tegin taratylady. Bıylǵy jylǵy jınaqty qosyp eseptegende aýyl taqyrybyna arnalǵan úzdik týyndylardyń kólemi 12 tomdy quraıdy.
«Aýylym-altyn tuǵyrym» ádebı-onlaın konkýrsynyń jeńimpazdaryn marapattaý saltanaty jáne «Altyn Tuǵyr 2020» úsh tomdyq ádebı jınaǵynyń tusaýkeseri 2020 jyldyń 09 maýsymynda saǵat 11:00-de Nur - Sultan qalasy, Qorǵaljyn tas joly 2a meken-jaıynda ornalasqan «Dýman» qonaq úı kesheniniń «Parlament» konferens - zalynda ótedi.
