Jambyl oblystyq tótenshe jaǵdaılar departamenti Zilzalalar qaýip-qaterin azaıtý jáne azamattyq qorǵaý salasyndaǵy baqylaý basqarmasy sýdaǵy qaıǵyly oqıǵalardyń negizgi sebepteriniń biri – jabdyqtalmaǵan jerlerde shomylý bolyp tabylatynyn eskertedi. Bıyl ókinishke qaraı, oblysta 3 adam sýǵa ketken. Málimet boıynsha 2 adam balyq aýlaý kezinde sýǵa ketse, 1 adam shomylý kezinde qaıtys bolǵan. Oblystaǵy sý aıdyndarynda adamdardyń qaýipsizdigi úshin oblystyq tótenshe jaǵdaılar departamentiniń qyzmetkerleri jergilikti polısııa qyzmetiniń jáne ıývenaldy polısııa ókilderimen birlesip, kún saıyn oblystyń sý aıdyndarynda profılaktıkalyq is-sharalar júrgizýde. Reıdtiń nátıjesi kórsetkendeı, tyıym salatyn belgige qaramastan, jasóspirimder toby jabdyqtalmaǵan oryndarda shomylýda.
Jaz mezgilinen bastap sý aıdyndarynda, «Talas», «Asa» jáne «Shý» ózenderinde azamattardyń ruqsat etilmegen sýǵa shomylý oryndaryna 95 reıd júrgizilgen. Júrgizilgen reıdte 13 tártip buzýshylyq anyqtalǵan. Nátıjesinde tártip buzýshylarǵa Qazaqstan Respýblıkasy Ákimshilik-quqyqbuzýshylyq týraly Kodeksiniń 440-baby boıynsha 111 myń 120 teńgege aıyppul salynǵan. Sondaı-aq, jaz mezgilinde eń kóp taralǵan quqyq buzýshylyqtar jabdyqtalmaǵan jerlerde shomylý, spırttik ishimdikterdi ishý, ot jaǵý, jeke qutqarý quraldarynsyz júzý quraldaryn paıdalaný eken.
Reıd barysynda demalýshylarmen sý nysandaryndaǵy júris-turys erejeleri týraly túsindirý áńgimeleri júrgiziledi jáne azamattarǵa sýdaǵy qaýipsizdik sharalaryn saqtaý qajettiligi týraly eskertýler, sondaı-aq, sý qoımalarynyń janynda balalardy qaraýsyz qaldyrmaýǵa keńester beriledi.
Jalpy, reıdti sýǵa túsý kezeńi aıaqtalǵanǵa deıin ótkizý josparlanýda.
Jambyl oblysy
