Osyǵan baılanysty Almatyda jýrnalıstermen onlaın rejimde jıyn ótkizgen kezdesken Qarjy naryǵyn retteý jáne damytý agenttiginiń tutynýshylardyń quqyqtaryn qorǵaý departamentiniń dırektory Aleksandr Terentev qabyldanǵan túzetýler 2016 jylǵy 1 qańtarǵa deıin berilgen shetel valıýtasyndaǵy ıpotekalyq nesıeler boıynsha máseleni túpkilikti sheshýge múmkindik beretinin aıtty.
Sondaı-aq Agenttik ókili 2016 jyldyń 1 qańtarynan bastap Qazaqstanda zańnamalyq deńgeıde nesıe alýǵa ótinish bergenge deıin alty aı ishinde kiristi rastaı almaıtyn azamattarǵa shetel valıýtasymen ıpotekalyq nesıe berýge tyıym salynǵanyn, mundaı sheshim bolashaqta bizdiń azamattarymyz úshin valıýtalyq táýekelderdi joıý úshin qabyldanǵanyn aıtty.
Aleksandr Terentevtiń aıtýynsha, 2020 jylǵy 1 mamyrdaǵy jaǵdaı boıynsha bankterge qaryzdardy qaıta qarjylandyrýǵa 34118 ótinish berildi, onyń ishinde 174,4 mlrd teńge somasyndaǵy 28104 nesıe, qaıta qaraý mehanızmin eskere otyryp, 160 somadaǵy 26 962 qaryz qaıta qarjylandyryldy. Baǵdarlamanyń ekinshi blogynda jeke tulǵalardyń 2016 jylǵy 1 qańtarǵa deıin alynǵan sheteldik valıýtadaǵy ıpotekalyq nesıelerin Ulttyq Bankiniń 2015 jylǵy 18 tamyzdaǵy baǵamy boıynsha teńgemen qaıta qarjylandyrý qarastyrylǵan.
2020 jylǵy 1 mamyrdaǵy jaǵdaı boıynsha bankterge shetel valıýtasyndaǵy ıpotekalyq nesıelerdi qaıta qarjylandyrýǵa 9 597 ótinish berilip, onyń ishinde 81,7 mlrd teńgege 9045 nesıe qaıta qarjylandyrýǵa maquldandy, 68,2 mlrd teńgege 7724 nesıe qaıta qarjylandyryldy.
«Baǵdarlamany iske asyrýdyń ashyqtyǵyn qamtamasyz etý úshin Qazaqstannyń barlyq óńirlerinde qaryz alýshylardyń banktik baǵdarlama boıynsha nesıe berýden bas tartýyna qatysty shaǵymdaryn qaraý jónindegi komıssııalar jumys isteıdi. Komıssııa quramyna Agenttiktiń, ákimdikterdiń, múddeli memlekettik organdardyń jáne qoǵamdyq birlestikterdiń aımaqtyq ókilderi kiredi», dedi Aleksandr Terentev.
