Oblystyq PD baspasóz qyzmetiniń málimdeýinshe, jyl basynan beri óńirde 176 jol-kólik oqıǵasy tirkelgen. Saldarynan 11 adam qaıtys bolsa, 262 adam jaraqat aldy.
Onyń ishinde balalardyń qatysýymen bolǵan 35 jol-kólik oqıǵasynda bir bala qaza taýyp, 38 bala jaraqat aldy.
- Qaıǵyly oqıǵalar kólik júrgizýshileri men jaıaý júrginshilerdiń de jol qozǵalysy erejelerin saqtamaýy jáne uqypsyzdyqtyń saldarynan oryn aldy, - dedi departamentte.
- Kóp jaǵdaıda júrgizýshiler belgilengen jyldamdyqty asyryp, tyıym salynǵan baǵdarsham túsine qaramaı qozǵalysty jalǵastyrǵan. Sondaı-aq jaıaý júrginshilerge qozǵalys kezinde jol bermeýi jáne keıbir júrgizýshilerdiń mas kúıinde kólik júrgizgen oqıǵalary tirkeldi. Jol-kólik oqıǵalarynda zardap shekken jaıaý júrginshilerdiń kópshiligi jol qaýipsizdiginiń negizgi talaptaryn eskermegen. Olardyń basym bóligi joldy qyzyl shamǵa nemese belgilenbegen jerden asyǵys kesip ótpek bolǵan. - Búgingi tańda jaıaý júrginshilerdiń jol-kólik oqıǵalary týraly 66 faktisi tirkeldi, - dedi polısııa departamentinde. - 5 adam qaza taýyp, 64 adam jaraqat aldy.
Bul rette, halyqtyń ajyramas bóligine aınalǵan smartfondar, GPS qurylǵylary jáne basqa da elektronıkalar zııanyn tıgizýde. Tártip saqshylary jol qozǵalysy qatysýshylaryna jol erejelerin qatań saqtaý kerektigin eskertedi. Jaıaý júrginshilerge qyraǵylyqty umytpaı, qarańǵyda jaryqtandyrý elementteri bar kıim kııýge keńes beredi.
