Osy jáne basqa da jaǵymdy jańalyqtarǵa jergilikti BAQ ókilderi arnaıy uıymdastyrylǵan press-týr barysynda kóz jetkizdi.
Jýrnalıster arnaıy sapar kezinde qala aýmaǵyndaǵy «Jumyspen qamtýdyń jol kartasy» baǵdarlamasy boıynsha abattandyrylyp jatqan aýlalardyń jaǵdaıymen tanysty. Nysandardyń jumysyna jaýapty tulǵalardyń aıtýynsha, bir aýlany sapaly abattandyrý úshin shamamen 3 mln teńge qarjy qajet eken. Mundaǵy jumystarǵa negizinen otandyq ónimder paıdalanylyp jatyr. Jambyl kóshesindegi birqatar úılerdiń aýlasy joldarynyń jıektastary jańartylyp, asfalt tóselip, jaryq ta tartylýda. Bul jumystarmen aınalysyp jatqan «Qurylys ortalyǵy» JShS ókilderi turǵyn úılerdiń aýlalaryna qosa, syrtqy aýmaǵynyń da jóndeletinin aıtady.
Jańǵyrtý jumystary barysynda qalanyń tarıhı kelbeti mindetti túrde saqtalýy tıis. Talap sondaı. Qaraǵandy qalalyq TÚKSh bóliminiń mamany Dáýlet Mahanov qaladaǵy 212 kópqabatty úı jóndeýden ótkizilip, biryńǵaı tarıhı arhıtektýralyq kelbeti saqtala otyryp jańǵyrtylatynyn atap ótti.
– Bárin de turǵyndarmen aqyldasa otyryp jasaımyz. «Jumyspen qamtýdyń jol kartasy» baǵdarlamasy negizgi qarjylandyrý kózi bolyp otyr. Munda da 1300-den asa jumys orny qurylyp, jumysshylar qalalyq jumyspen qamtý ortalyǵy arqyly tartylady, – dedi ol.
Ermekov kóshesindegi №№ 2, 4 úılerdiń aýlasy da baǵdarlamaǵa engen. Mundaǵy jumystar aıaqtalýǵa jaqyn. Maıqudyqtaǵy 11«A» shaǵyn aýdanyndaǵy №№7, 11, 19, 22, 23 úılerdiń aýlasyndaǵy jumystar da qyzý júrgizilip jatyr. Mundaǵy fýtbol alańdaryna jasandy kógal tóselip, sporttyq qural-jabdyqtar ornatylyp jatyr. Oıyn alańyna Qaraǵandyda jasalǵan sporttyq jabdyqtar paıdalanylýda. Bul iske jaýapty «KKK LTD» fırmasy bıyl 142 oıyn alańyn ornatamyz degendi aıtady. Mundaı ıgi ister Maıqudyq, Prıshahtınsk jáne Suryptaý eldi mekenderindegi úılerdiń aýlalaryn da qamtıtyn bolady.
– Biz qaraǵandylyq «Karat» JShS óndirýshisimen jumys isteımiz. Olardyń trenajerlary men oıyn keshenderi myqty jáne olardyń baǵasy biz úshin óte tıimdi. Biz óz alańdarymyzǵa jyl jyl kepildik beremiz. Eger osy ýaqyt ishinde bir nárse synsa, barlyǵyn óz esebimizden qalpyna keltirýge mindettimiz. Sondyqtan, biz senimdi, tekserilgen óndirýshilermen jumys istegendi qalaımyz, olardyń ónimderiniń sapasyna senimdi bolýysyz kerek, – deıdi merdiger kompanııanyń ókili Symbat Toǵaı.
Al «LıderStroıGrýp» kompanııasynyń ókili Tımýr Myńbaev «JJK» baǵdarlamasy aıasynda 12 aýlaǵa balalar men sport keshenderin ornatýǵa konkýrsty jeńip alǵandaryna qýanyshty ekendigin jasyrmady.
– Bul bizdiń kompanııa úshin úlken kómek. Karantın kezinde toqtap qalǵan edik, jumys kólemi bolǵan joq. Qazir biz úırenshikti yrǵaqqa oralamyz. Bizdiń kompanııada jumys isteıtin 20 adam bar, olardyń bir bóligin biz jumyspen qamtý ortalyǵy arqyly taýyp aldyq. Olardyń barlyǵy qazir jumysqa jumyldyrylyp, jalaqy alady, – deıdi ol.
Sondaı-aq, press-týr barysynda jýrnalıster «Energosıstemy ELTO» JShS-ine qarasty zaýytta bolyp, kásiporynnyń tynys-tirshiligimen tanysty. Negizi 1973 jyly qalanǵan zaýytta kóshelerdi jaryqtandyrýǵa arnalǵan uzyndyǵy 20, 30, 40 metr bolatyn baǵandar men túrli shamdar shyǵarylady. Qaraǵandynyń kósheleri men aýlalaryna osy kásiporynnyń ónimderi ornatylýda. Zaýyt basshylyǵynyń aıtýynsha, kásiporyn shyǵaratyn sapaly ónimge degen suranys joǵary eken. Tipti, elimizdiń basqa aımaqtaryna da, mysaly Reseı, О́zbekstan jáne Qyrǵyzstan sııaqty kórshi elderge de ónimderi jetkiziletin kórinedi.
– «Jumyspen qamtýdyń jol kartasy» boıynsha Qaraǵandy qalasyn jaryqtandyrýǵa 1500 baǵan jetkizip bermekshimiz. Karantın kezinde 40 adamdy aqysyz eńbek demalysyna jibergen edik. Baǵdarlama arqyly solardy qaıta shaqyrdyq. Endi, ónimdi turaqty óndirýge kúsh salamyz, – deıdi zaýyttyń bas dırektory Talǵat Baıǵabylov.
Aldaǵy ýaqytta Qaraǵandy qalasynyń jumyspen qamtý ortalyǵynda áli de birqatar bos jumys oryndary ashylady. Iаǵnı, eńbek etip, nanymdy adal tapsam degen aǵaıynǵa, túrli jumys isteıtinderge, shatyr jabýshylarǵa, jıek jáne kesek tas tóseýshi mamandarǵa degen suranys óte joǵary bolmaq.
Qaraǵandy oblysy
