Negizgi kapıtalǵa salynǵan ınvestısııalar boıynsha nysanaly kórsetkishterdiń oryndalýy týraly ulttyq ekonomıka mınıstri R. Dálenov, ınvestısııalar tartý boıynsha atqarylyp jatqan jumystar týraly syrtqy ister mınıstri M. Tileýberdi, ındýstrııa jáne ınfraqurylymdyq damý mınıstri B. Atamqulov, energetıka mınıstri N. Noǵaev, aýyl sharýashylyǵy mınıstri S. Omarov, Qyzylorda oblysynyń ákimi G. Ábdiqalyqova, Qaraǵandy oblysynyń ákimi J. Qasymbek, Mańǵystaý oblysynyń ákimi S. Trumov, Shymkent qalasynyń ákimi M. Áıtenov baıandady.
Otyrysta koronavırýs indetiniń taralý saldary aǵymdaǵy ekonomıkalyq ahýalǵa túzetý engizip, ınvestısııa tartý boıynsha jumystarǵa teris yqpalyn tıgizgeni atap ótildi. Bıyl qańtar-sáýir aılarynda QR negizgi kapıtalyna salynǵan ınvestısııalar 3 trln teńgeni – josparlanǵan nysanaly kórsetkishten 84% qurady. О́ńirler bólinisinde eń kóp — 30% astam oryndamaý Mańǵystaý jáne Qyzylorda oblystarynda, sondaı-aq Almaty jáne Shymkent qalalarynda baıqalǵan.
Premer-Mınıstr buǵan deıin qoıylǵan mindetti — 2025 jylǵa qaraı negizgi kapıtalǵa salynatyn ınvestısııalar kólemin JIО́-niń 30%-na deıin jetkizý mindetin iske asyrýdyń mańyzdylyǵyn atap ótti. Budan ári álemde ınvestısııalar úshin básekelestiktiń artýy kútilip otyr, bul ekonomıkanyń barlyq salalarynda jańa ınvestısııalyq jobalardy iske asyrý, sondaı-aq ınvestısııalyq ahýaldy odan ári jaqsartý boıynsha belsendi sharalardy qabyldaýdy talap etedi.
«Úkimet ekonomıkany jandandyrý jumystaryn bastady. 2020 jyldyń sońyna deıin Ekonomıkalyq ósimdi qalpyna keltirý boıynsha keshendi jospar qabyldandy. Oǵan sáıkes ınvestısııalar negizgi draıverlerdiń biri retinde qarastyrylady», — dedi A. Mamın.
Premer-Mınıstr ınvestısııalyq usynystardy ázirleý sapasyn, memlekettik organdar men barlyq múddeli taraptardyń jumysyn úılestirý deńgeıin arttyrý, shetel kapıtalyn jáne tehnologııasyn tartýdyń jańa quraldaryn engizý, ekonomıkanyń basymdyqty salalaryn targetteý qajettigin atap kórsetti.
Úkimet basshysy ortalyq memlekettik jáne jergilikti atqarýshy organdarǵa qysqa merzim ishinde elimizde jáne álemde ekonomıkalyq ahýaldyń ózgerýin eskerýmen ınvestısııalyq jobalar pýlyn jáne negizgi kapıtalǵa ınvestısııalar tartý boıynsha nysanaly ındıkatorlardy ózektendirýdi tapsyrdy.
