Vırýstyń taralý qaýpi áli de seıile qoımaǵan jaǵdaıda karantındik sharalar men sanıtarlyq-epıdemııaǵa qarsy is-sharalardyń saqtalýyn qamtamasyz etý mańyzdy ekeni belgili.
Áskerı qyzmetshilerdiń alǵashqy táýliktegi mindeti adamdar jappaı jınalatyn oryndar men qala nysandaryn óńdeý bolyp tabylady. Sonymen qatar, olar Tuńǵysh Prezıdent saıabaǵy men botanıkalyq baqty óńdeıdi.
Sanıtarlyq óńdeý jumystary úshin jeke gazsyzdandyrý jıyntyqtary, dezınfeksııalyq eritindiler bólinip, ARS-14 avtoquıý stansııalarynyń qajetti sany jáne jeke quramdy tasymaldaýǵa arnalǵan avtokólik tehnıkasy jumyldyryldy.
Buǵan deıin Densaýlyq saqtaý mınıstrligi el azamattaryn karantındik sharalardy saqtaýǵa shaqyrǵan bolatyn. Sanıtarlyq-epıdemııaǵa qarsy is-sharalardy qamtamasyz etý maqsatynda eldi mekenderde shuǵyl túrde 16 sanıtarlyq óńdeý toby quryldy. Olar bir aptadan astam ýaqytta aımaqtarda qoǵamdyq oryndar men áleýmettik mańyzy bar nysandardy óńdeýdi júzege asyrady.
Tótenshe jaǵdaı rejımi kezinde Qazaqstannyń 29 qalasynda Qarýly Kúshterdiń áskerı qyzmetshileri jalpy aýdany 50 mıllıon sharshy shaqyrymnan asatyn 10,5 myńnan astam áleýmettik mańyzy bar nysandarǵa, uzyndyǵy 4000 km bolatyn jol ýchaskelerine dezınfeksııalaý jumystaryn júrgizdi.
