«Bul oraıda, aýdandyq jumyspen qamtý ortalyǵy arqyly kelgen azamattarǵa basymdyq berip otyrmyz. Bul sanattaǵy turǵyndar úshin 182 jumys orny ashylǵan. Olardyń eńbekaqysy 85 myń teńgeden kem bolmaıdy», deıdi Osakarov aýdanynyń ákimi Nurken Qobjanov.
«Jumyspen qamtýdyń jol kartasy» baǵdarlamasy aıasyndaǵy áleýmettik sala jobalary aýdandaǵy eki kent pen 14 aýyldy qamtıdy. Mysaly, Osakarovka kentinde №9 gımnazııa, Saryózek, Rodnıkov, Esil, Nıkolaevka, Zvezda, Mırnyı, Ertis, Ozernyı aýyldarynda orta mektepter jóndeýden ótkiziledi. «Baldyrǵan» balabaqshasy men Lıtvınov mektep-ınternatynda da kúrdeli jóndeý jumystaryn júrgizý kózdelgen.
Sondaı-aq, ınjenerlik jáne kóliktik ınfraqurylymdy jańartý boıynsha 10 joba qolǵa alynady. Atap aıtqanda, Molodejnyı, Osakarovka kentterinde joldar men trotýarlar jóndeledi. Senokosnoe, Ertis, Eraly, Qaraǵaıly, Amanqońyr, Rodnıkov aýyldaryna kireberis joldar da retke keltirilmekshi.
Turǵyn úı-kommýnaldyq máselelerdi sheshý boıynsha 11 jobany júzege asyrý josparlanǵan. Onyń ishinde Ýyzbaı, Batpaq, Ozernoe, Senokos, Qaraǵaıly, Zvezda aýyldaryn aýyz sýmen, Molodejnyı kentindegi qazandyqty jóndep, turǵyn úıler men mádenı-saýyqtyrý ortalyǵyn jylýmen qamtamasyz etý jumystary bar. Sonymen qatar, Osakarovka kentindegi 18 páterli úıdiń káriz júıesin jóndeýden ótkizý josparǵa alynǵan. Budan bólek, Osakarovka, Molodejnyı kentterindegi kósheler abattandyralady.
Búgingi kúnde aýdanda 35 jobany iske asyrý boıynsha jumystar bastalyp ta ketken. Sonyń nátıjesinde 305 jumys orny ashylyp, eki qolǵa bir kúrek izdegen aǵaıynǵa adaldan nan tabýǵa múmkindik týdy. Aıta ketetin bir jaıt, joǵaryda aıtylǵan jumys oryndarynyń 143-i aýdandyq jumyspen qamtý ortalyǵy usynǵan azamattarǵa buıyrdy.
Qazirgi tańda Osakarov aýdany boıynsha ınfraqurylymdyq jobalar aıasynda bos júrgen azamattardy rekrýttyq beket quraldary, áleýmettik jeliler men jergilikti gazettiń kómegimen jumysqa alý úshin belsendi aqparattyq is-sharalar júrgizilýde.
Qaraǵandy oblysy
