Oqıǵa jýyrda ǵana kúndizgi saǵat 14.00 shamasynda Petropavldaǵy ortalyq kóshelerdiń birinde bolǵan. Qylmysker áıelge shabýyl jasap, altyn alqasyn julyp almaq bolǵanynda ótip bara jatqan adamnan yǵysyp qana aram oıyn júzege asyra almaǵan. Jábirlenýshi qylmyskerden qutylǵan boıynda «102» telefonyna habarlasyp, bolǵan jaıtty aıtqan.
Jedel-izdestirý is-sharalarynyń nátıjesinde kúdikti ustaldy. Ol buryn múliktik qylmystar jasaǵany úshin sottalǵan 36 jastaǵy Petropavl turǵyny ekendigi belgili boldy. Qazir onyń ústine qylmystyq is qozǵalyp, ýaqytsha ustaý oqshaýlaǵyshyna qamaldy. «Oblystyq polısııa basshylyǵy mundaı qylmystardyń ashylýyn erekshe baqylaýda ustaıdy «Izin sýytpaı» ashý kezinde bólinisterdiń uıymdasqan jumysy ǵana emes, sonymen birge «102» arnasyna birden júginý de mańyzdy sharttardyń biri.
Kúdiktini izdeýge qalany patrýldeýdi júzege asyratyn polısııanyń keshendi kúshteri jumyldyrylyp, beınebaqylaý jazbalary qaraldy. Sonymen qatar jedel ýákilder buryn múliktik qylmys jasaǵandary úshin jaýapqa tartylǵan adamdar týraly málimetterdi tekserdi», - deıdi Soltústik Qazaqstan oblysy Polısııa departamenti bastyǵynyń orynbasary, polısııa polkovnıgi Rýslan Nazarov.
Jalpy, jyl basynan beri SQO-da 33 tonaý tirkelip, onyń 30-y ashylǵan.
Soltústik Qazaqstan oblysy
