– Fılıal «Tabıǵı monopolııalar týraly» Zańnyń 24-babynyń talaptaryn buzyp, tutynýshylardan gazǵa qosý qyzmeti úshin zańsyz tólemderdi talap etip, 2018-2019 jyldary 65 mln teńgeni kiristegen. Osy zań buzýshylyqtar úshin fılıal QR Ákimshilik quqyqbuzýshylyq týraly kodeksiniń 164-babynyń 4-bóligine sáıkes (tabıǵı monopolııalar týraly zańnamany buzý) ákimshilik jaýapkershilikke tartylyp, memleket paıdasyna 4 mln teńge aıyppul óndirildi. Prokýratýranyń aralasýymen oblys turǵandaryna gazǵa qosý qyzmetteri tegin júrgiziletin boldy. Zańsyz tájirıbe toqtatyldy, - dep habarlady oblystyq prokýratýranyń baspasóz qyzmeti.
Prokýrorlyq qadaǵalaý aktisi negizinde 21 mln teńge kóleminde zańsyz alynǵan tólemder kásipkerlerdiń jeke shotyna keri qaıtarylypty. Qazir jeke tulǵalarǵa 44 mln teńgeni qaıtarý prosesi júrgizilip jatyr.
