Koronavırýs • 09 Maýsym, 2020

Elordada COVID-19 juqtyrǵan analar 11 saý balany dúnıege ákeldi

34 ret kórsetildi

Búgin qalalyq densaýlyq saqtaý basqarmasynyń basshysy Sáýle Qısyqova Qazaqstan astanasyndaǵy koronavırýs ınfeksııasyna qatysty qazirgi jaǵdaı týraly aıtty, dep habarlaıdy Nur-Sultan qalasy ákimdiginiń resmı saıty.

"Nur-Sultanda koronavırýstyq indet bastalǵannan beri 2520 adam vırýs juqtyryp, 1621 adam nemese 64%-y emdelip, emhanalardan shyǵaryldy. Jaqsy jańalyqtyń biri – COVID-19 juqtyrǵan analar 11 saý náresteni dúnıege ákeldi", – dedi S.Qısyqova.

Ol 3 maýsymnan bastap Qazaqstannyń bas sanıtarlyq dárigeriniń sheshimine sáıkes sımptomatıkalyq jáne asımptomatıkalyq naýqastarǵa bólý kezinde medısınalyq baqylaý júrgizý taktıkasy ózgergenin eske saldy.

"Asqynýlardyń aldyn alý jáne ýaqtyly medısınalyq kómekti uıymdastyrý úshin sımptomdary bar naýqastarǵa kóbirek kóńil bólý kerek. Aýrýdyń asımptomatıkalyq aǵymy bar adamdar nazardan tys qalmaıdy. Olardy úı karantıni jaǵdaıynda aýmaqtyq emhanalar baqylap otyrady, qannyń ottegimen qanyǵý deńgeıin ólsheý úshin ımpýlstik oksımetrlermen qamtamasyz etiledi, kúndelikti qońyraýlar jasalady", – dedi S.Qısyqova.

Qazirgi ýaqytta Nur-Sultanda koronavırýs juqtyrǵany zerthanamen rastalǵan adamdar sanynyń ósýi baıqalady.

"Bul búginde qalada PTR dıagnostıkasyn júrgizetin jeti zerthana jumys jasap jatqanyna baılanysty. Kúnine 4-ten 5 myńǵa deıin test ótkiziledi. Tıisinshe, anyqtaý múmkindigi artyp keledi. KVI bar adamdar arasynda aýrýdyń 60-70% -y asımptomatıkalyq bolyp tabylatyndyǵyn atap ótkim keledi", – dedi Sáýle Qısyqova.

Densaýlyq saqtaý basqarmasynyń bastyǵy qala ákimdigi kún saıyn jumysy qaıta jańǵyrtylǵan nysandarǵa kúndelikti monıtorıng júrgizetinin jáne kásipkerlik sýbektilerimen, olardyń basshylarymen túsindirý júrgizilip jatqandyǵyn eske saldy. Talaptardy buzǵany úshin mundaı kásiporyndardyń qyzmeti toqtatylady. Sonymen qatar S.Qısyqova elorda turǵyndaryn karantın sharalaryn qatań saqtaýǵa shaqyrdy.


Sońǵy jańalyqtar

Suıytylǵan gaz baǵasy óspeıdi

Qoǵam • Búgin, 18:21

Aldaǵy kúnderi aýa raıy qandaı bolady

Aýa raıy • Búgin, 18:00

Dollar arzandady

Qarjy • Búgin, 16:22

Shymkentte de LRT salynýy múmkin

Aımaqtar • Búgin, 12:50

Uqsas jańalyqtar