"Tótenshe jaǵdaı men karantın kezinde adamdardyń ómiri men densaýlyǵyn qorǵaý úshin polısııa qyzmetkerleri, dárigerlermen birge aldyńǵy shepte júrdi. Ishki ister mınıstrligi eldegi qaýipsizdikti qamtamasyz etýge bar kúshin saldy. Bundaı jaǵdaı Qazaqstan tarıhynda birinshi ret bolyp otyr. Tótenshe jaǵdaı kezinde 400 blok-beket, 200 sanıtarlyq beket jumys istedi. Asa mańyzdy memlekettik jáne strategııalyq nysandarǵa kúzet qoıyldy. Aýrýdy taratpaý úshin turǵynúıler korshaýǵa alyndy. 9 myńnan astam adam izdestirilip, tabyldy", - dedi Erlan Turǵymbaev.
Onyń aıtýynsha, tótenshe jaǵdaı kezinde Ulttyq Ulan men ishki ister organdarynan 50 myńnan astam qyzmetker jumyldyrylǵan.
"Otbasynan alys bolsa da, kúndiz-túni qyzmet jasap, Otan aldyndaǵy boryshyn, el aldyndaǵy mindetin adal atqarǵan qyzmetkerlerge jáne bizdiń jumysymyzǵa túsinistik tanytqan turǵyndarǵa rahmet aıtamyn", - dedi mınıstr.
