"Elimizde balyq ósirýmen 180 balyq sharýashylyǵy aınalysady, onda 1 myńnan astam (1126) adam jumys isteıdi. Taýarlyq balyq ósirý kóleminiń ósýi baıqalady. 2019 jyly 6,9 myń tonna balyq ósirse, bul 2018 jylǵy deńgeıden 19%-ǵa joǵary. Osy jylǵa jospar – 7,8 myń tonna", -dedi mınıstr.
О́tken jyly balyqty qaıta óńdeý nátıjesinde jalpy somasy 60 mln AQSh dollary bolatyn 30 myń tonna ónim eksporttaldy, bul 2018 jylǵy deńgeıden 16,6% - ǵa artyq.
"Balyq salasyndaǵy ótkir problema balyq ónimderiniń kóleńkeli aınalymy bolyp tabylady. Ol balyq óndirýdiń ortasha jyldyq kóleminen 5 ese artyq. Ony joıý úshin balyq aınalymynyń barlyq prosesin sý aıdynynan sońǵy tutynýshyǵa deıin sıfrlaý qajet. Balyqtardy kóleńkeden shyǵarý salyq salý bazasyn 40 mlrd teńgege arttyrady", - dedi M. Myrzaǵalıev.
Mınıstrdiń aıtýynsha, Kaspıı teńiziniń resýrstaryn ıgerý esebinen otandyq naryq kólemin 66-dan 120 myń tonnaǵa deıin, balyq aýlaý 45-ten 60 myń tonnaǵa deıin, al balyq ósirý 7-den 60 myń tonnaǵa deıin ulǵaıtýdyń joǵary áleýeti bar.
