Bıyl "Nurly jer" jáne "Jumyspen qamtýdyń jol kartasy" baǵdarlamalary aıasynda sýmen qamtý jáne káriz qubyrlaryn ótkizý boıynsha 57 joba josparlanǵan. Bul maqsattaǵy 37 joba "Nurly jer", 20 joba "Jumyspen qamtýdyń jol kartasy" baǵdarlamasy aıasynda qolǵa alynǵan. Búginde qurylys-montaj jumystaryn júrgizýge bıýdjetten bólingen 15,2 mlrd teńge oıdaǵydaı ıgerilýde. Bıyl aýyldy eldi mekenderde 22, qalalyq mekenderde 9 joba júzege asyrylýy tıis. Osylaısha 31 myńnan astam turǵyny bar 29 aýyl sapaly aýyz sýmen qamtamasyz etilmek. Sondaı-aq 5 qalada sý qubyry jelileri men káriz júıeleriniń tozǵan toraptary jóndeletin bolady. Qalǵan 26 jobany 2021 jyly júzege asyrý kózdelip otyr.
Qazir 34,1 mlrd teńgege baǵalanǵan 40 jobanyń smetalyq jobalaý qujattary ázirlenýde. Joba tolyq júzege asyrylǵan jaǵdaıda eki jyl ishinde 72 myńnan astam turǵyny bar 67 aýyl sapaly aýyz sýmen qamtamasyz etiledi.
Qostanaı oblysy
