Shara barysynda sandyq keńistiktegi bıblıografııa qyzmetiniń baǵyttary teorııalyq jáne tájirıbelik turǵyda zerdelenip, kitaphanalardyń aqparattyq-bıblıografııalyq qyzmetinde ınternet-tehnologııalardy qoldanýdyń jańa tendensııalary talqylandy.
Ulttyq akademııalyq kitaphananyń basshysy Ú.D.Muńalbaevanyń moderatorlyǵymen ótken onlaın semınarǵa oblystyq, óńirlik jáne Reseıdiń kitaphanashylary qatysty. О́z sózinde kitaphana isindegi túıtkildi máselelerdi ortaǵa salǵan moderator:
"Bıblıograftardyń kásibı kezdesýleri mańyzdy katalızator bolyp tabylady. Qazirgi zamandaǵy bıblıografııalyq servıs – bul kitaphanalyq-aqparattyq qyzmet salasyndaǵy teorııalyq jáne ádisnamalyq óris. Sońǵy onjyldyqta kitaphana qyzmetteri kompıýterlerdi, sıfrlyq júıeler men ınternetti paıdalanýmen baılanysty úlken ózgeristerge ushyrady. Jańa tehnologııalar suranysty berý, aqparatty qabyldaý jáne jetkizý prosesterin edáýir jeńildetti", – dedi.
Halyqaralyq semınarǵa qatysqan Ulttyq kitaphana basshysy Baqytjamal Qaıyrbekqyzy da baıandamasynda:
"Ulttyq bıblıografııany «Ulttyń tarıhı jadynyń kýágeri» dep beker aıtpaıdy. Ulttyq bıblıografııa óz eliniń halyqaralyq aqparattyq keńistikke qosylýyna jáne mádenı ózara seriktestigine qatysýǵa jaǵdaı jasaıdy. Ulttyq kitaphananyń ǵasyrǵa jýyq tarıhy bar, kitaphanamyzǵa bıyl 110 jyl tolyp otyr. Ámbebep bıblıografııalyq aqparat jasaýdy biz áli kúnge deıin jalǵastyryp kelemiz", – dep oı qorytty.
Jalpy alǵanda, ámbebap bıblıografııalyq aqparat jınaý barlyq qujattar boıynsha júzege asyrylady. Kelesi spıker Ulttyq memlekettik Kitap palatasy bıblıografııa bóliminiń basshysy Jibek Jeksenbaeva mekemeniń bıblıografııalyq qyzmeti haqynda sóz sóıledi.
"Bıblıografııa jalpy adamzatqa, qoǵam múshelerine bilim berýdiń barlyq tarmaǵyn qamtyp, zertteıdi. Ár memleket óziniń ulttyq bıblıografııasyn jasaqtaýǵa múmkindigi bar. Kitap palatasy zamanaýı talaptarǵa saı jumys atqarady. Basty jumystarynyń biri – Qazaqstan baspalarynan shyǵarylǵan barlyq kitaptardy halyqaralyq standarttarǵa saı tirkep, statıstıkalyq esepke alyp, baspa jáne baspasóz ónimderin jınap bıblıografııa qurastyrý. Osynyń negizinde bıblıografııalyq kórsetkish shyǵaryp, bolashaq urpaqqa saqtaıtyn máńgilik ǵylymı bıblıografııalyq mura qalady", – dedi ol.
