Búkil álem S&P 500 reıtıngisine kiretin kompanııalardyń aýyr jaǵdaıyn baqylap otyrǵan tusta bırjadaǵy japon kompanııalary bárinen asyp tústi.
Álemdik aksııalar shyńǵa jetkende AQSh-tyń dollarlyq kórsetkishte Topix ındeksi 12 aqpannan bastap 8% - ǵa tómendedi. Tıisinshe S&P 500, MSCI Emerging Markets jáne Euro Stoxx ındeksteri sol kezeńde 11,5%, 16,5% jáne 19,8% tómendedi.
Biraq burynǵy nátıjeler japon naryǵynyń aǵymdaǵy jaǵdaıyn kórsetpeıdi. Eldegi atalmysh kompanııalardyń jaǵdaıy jaqsarǵanyna nemese kelesi aılarda nasharlasa da ınvestorlarǵa paıdasy tıetin artyqshylyqtary bar.
Eger koronavırýstan keıingi qalypqa kelý kezeńi kútken ýaqyttan da anaǵurlym tezirek bolsa, olar Topix ındeksiniń edáýir bóligin quraıtyn elektrondy, aqparattyq, baılanys jáne kólik qural-jabdyqtarynyń aksııalaryn jeńip alady. Eldegi iri qorlar olardyń tabysynyń jartysyn ǵana quraıdy. Kompanııalar bul ssenarıı boıynsha AQSh-tan ozyp ketpeýi múmkin, biraq olardyń damyp kele jatqan naryqtar men eýropalyq akısıalardan ozyp ketýge jaqsy múmkindikteri bar.
Qaıtalanatyn tolqyndarmen nemese úlken ekonomıkalyq shyǵyndarmen birge baıaý qalpyna keltirý jaǵdaıynda korporatıvti Japonııanyń budan da aıqyn artyqshylyǵy bar: eldiń kompanııalary qolma-qol aqshanyń úlken rezervine ıe. Japonııa bankiniń málimetinshe, jeltoqsanda qarjylyq emes fırmalar shamamen 280 trln ıen valıýtasyna jáne depozıtterge ıe bolǵan.
Qalypty ýaqytta japon bıznesindegi aqsha el ekonomıkasy úshin jaqsy belgi bolmaýy múmkin. Biraq dál osy sátte olardyń bolýy óte jaqsy. El aksııalarynnyń baǵasy Japon ekonomıkasynyń artyqshylyǵyn kórsetedi. Olardyń jaqynda ósýine qaramastan, bul ózgeris AQSh-taǵydaı joǵary emes. Kelesi 12 aıdaǵy kútýge negizdelgen japondyq aksııalardyń baǵalyq kiris koeffısıenti naýryzdaǵy shamamen 11,1-den qazirgi ýaqytta 15,7-ge deıin ósti. AQSh aksııalary úshin dál osyndaı mýltıplıkator 13,5-ten 22,9-ǵa deıin ósti. FactSet málimetterine sáıkes, japondyq aksııalar amerıkalyq nusqasymen salystyrǵanda naryqta eń arzany bolyp tabylady.
Eldegi tómen paıyzdyq mólsherlemeler ınvestorlar kapıtaly úshin vakýým týǵyzady. Belgisizdik beleń alǵan halyqaralyq ahýalda, tipti iri bankter de tartymdylyǵyn joǵaltty. Bıyl japon aksııalary óziniń qundylyǵyn kórsetti jáne aldaǵy ýaqytta suranysqa ıe bolýy da bek múmkin. AQSh-taǵy aksııalarnyń qunyna alańdaıtyn kez kelgen ınvestordyń shyǵysta jemisti jumys isteýine múmkindik bar.
Maık Berd,
Wall Street Journal
