Aımaqtar • 11 Maýsym, 2020

Túrkistanda "Bolashaq" túlekteri balalarǵa smartfon tartý etti

440 ret

kórsetildi

1 mın

oqý úshin

"Bolashaq Ońtústik" Korporatıvtik Qorynyń ókilderi prezıdenttik stıpendııa túlekteri atynan Maqtaaral aýdany Qońyrat aýyly "Erkejan" jazǵy saýyqtyrý balalar lagerine jazǵy demalysqa jiberilgen jartylaı jáne tul jetim 55 balaǵa smartfondar jáne kitaptar, samokattar men rolıkter tabys etti, - dep habarlaıdy Egemen.kz.

Ǵalymjan ELShIBAI

Túrkistanda "Bolashaq" túlekteri balalarǵa smartfon tartý etti

Atalǵan qaıyrymdylyq is-sharasynyń mańyzdylyǵyn arttyrý maqsatynda balalarǵa halyqaralyq "Bolashaq" baǵdarlamasynyń múmkindikteri men proforıentasııa taqyrybynda aqpar berildi.

"Bolashaq Ońtústik" KQ múshesi Gaýhar Týrebekova apattan zardap shekken otbasylar men balalarǵa arnaıy kóńil bólý qajettigine toqtaldy.

"Halyqaralyq "Bolashaq" baǵdarlamasynyń Túrkistan oblysy jáne Shymkent qalasyndaǵy túlekteriniń qaýymdastyǵy retinde Maqtaaral aýdanyndaǵy apattan zardap shekken otbasylarmen qatar kishkentaı búldirshinderimizge de arnaıy kóńil bólgimiz keldi. Osy oraıda, "Erkejan" lagerinde demalyp jatqan 55 balaǵa qolymyzdan kelgenshe kómekteseýdi jón dep sheshtik. Aldaǵy ýaqytta basqa da áleýmettik is-sharalardy ótkizýdi josparlap otyrmyz", - dedi Gaýhar Týrebekova.