Ekonomıka • 11 Maýsym, 2020

Qazaqstan 30 myń tonna balyq ónimin eksporttady

361 ret

kórsetildi

1 mın

oqý úshin

О́tken jyly balyqty qaıta óńdeý nátıjesinde jalpy somasy 60 mıllıon AQSh dollaryna 30 myń tonna ónim eksporttaldy, bul 2018 jylǵy deńgeıden 16,6%-ǵa artyq. Bul týraly halyq aldynda esep berý kezdesýinde Ekologııa, geologııa jáne tabıǵı resýrstar mınıstri Maǵzum Myrzaǵalıev málimdedi, - dep habarlaıdy Egemen.kz.

Egemen Qazaqstan

Qazaqstan 30 myń tonna balyq ónimin eksporttady

Vedomstvo basshysynyń aıtýynsha, balyq salasyndaǵy ózekti másele balyq ónimderiniń kóleńkeli aınalymy bolyp tabylady. Ol ortasha jyldyq ónimnen 5 ese artyq. Ony joıý úshin balyq aınalymynyń sý aıdynynan sońǵy tutynýshyǵa deıin búkil úderisin sıfrlaý qajet. Balyqtardy kóleńkeden shyǵarý salyq salý bazasyn 40 mlrd teńgege ulǵaıtady.

Mınıstr otandyq balyq ónimderi naryǵynyń kólemin ulǵaıtýdyń joǵary áleýeti bar ekenine senimdi.

Osyǵan baılanysty, qazirgi ýaqytta mınıstrlik balyq salasyn uzaq merzimdi damytý úshin, sonyń ishinde ınvestısııalar tartýǵa jáne jumys oryndaryn ashýǵa septigin tıgizetin salany sýbsıdııalaý boıynsha birqatar zańnamalyq sharany pysyqtaýda.