Aımaqtar • 11 Maýsym, 2020

Almatydan Jıdebaı aýylyna jaıaý ekspedısııa shyǵady

39 ret kórsetildi

Erteń, 12 maýsymda Almaty qalasynan aqyn Abaı Qunanbaıulynyń týǵan jeri Shyǵys Qazaqstan oblysy Abaı aýdany Jıdebaı aýylyna deıingi qashyqtyqty jaıaý júrip ótý úshin arnaıy eriktiler toby ekspedısııasyn bastaıdy.

Almaty qalasyndaǵy Táýelsizdik monýmenti túbinen tý ustap shyǵatyn 4 adam 1200 shaqyrym qashyqtyqty eńserýdi maqsat etip otyr. Kúnine 40-50 shaqyrym júrip otyrý josparlanǵan. Belgilegen mejege jetý úshin olarǵa bir aı ýaqyt ketedi eken. Ekspedısııanyń eń sońǵy aıaldamasy – Jıdebaı aýylyndaǵy Abaı murajaıy.

Almaty qalasynan bastaý alatyn saıahatta qala əkimi Baqytjan Saǵyntaev óz qolymen eriktilerge eldiń tý tabystaıdy. Saıahatshylar Abaı murajaıyna jetken Abaı izimen aqyn oqyǵan medreseler men turǵan jerlerin aralaıtyn bolady.

Jaıaý jolǵa shyqqandardy Damır Kúsheev bastap, oǵan Ermek Kubashev, Danııar Baltabaev pen Daýlet Kúsheev (vıdeo-foto operator) qosylyp otyr. Olar ózderiniń júrip ótken jolyn arnaıy vıdeo jəne foto jazbalary arqyly Instagram əleýmettik jelisindegi @damir_za_mir_almaty paraqshasyna jarııalaıtyn bolady.

Osylaısha eriktiler ulttyń oıshyl aqyny Abaı Qunanbaevtyń 175 jyldyq mereıtoıyn ulyqtaı otyryp, Qazaqstan Prezıdenti Qasym-Jomart Toqaev jarııalaǵan bıylǵy Eriktiler jylyna sony serpin bermek.

Bir jaǵy "Abaı joly" jobasy jastarymyzdyń el tarıhyna, mədenı jədigerlerine qyzyǵýshylyǵyn kóterýdi kózdedi. Atalmysh shara Almaty qalasynyń əkimdiginiń, sondaı-aq, respýblıkalyq jəne qalalyq BAQ ókilderiniń qoldaýymen ótedi.

 

 

ALMATY

Sońǵy jańalyqtar

Uqsas jańalyqtar