“Dástúrli Islam dinin halyqqa nasıhattaý úshin, jastarǵa úlgi bolý úshin “Uly Babalar joly” degen baǵytta osyndaı rýhanı jumysty bastadyq”, - dedi Bas múftı.
Osyndaı ıgi maqsatpen óńirimizge kelip, Máshhúr Júsip kesenesine zııarat jasady.
“Babalardyń ómir jolynan úlgi alyp, jastarǵa tanystyrǵymyz keledi. Osy jerde bekitilgen pátýalar, shyǵarylǵan sheshimder eskeriledi degen oıdamyn”,- deıdi.
Al, Dinı basqarma tóraǵasynyń orynbasary, naıb múftı Ershat Ońǵarov májiliste 8 pátýa men birqatar qujattar qabyldanatynyn aıtty.
“Ǵulamalar keńesiniń otyrysynda qoǵamda týyndaǵan ózekti máseleler talqylanyp, sharıǵattyń sheshimi aıtylady. As berý mádenıeti, zırat pen zııarat mádenıeti, basqarmanyń 2020-2025 jyldarǵa arnalǵan baǵdarlamasy, «Úzdik zııatker ımam» tujyrymdamasy sııaqty qujattardy qarastyrylady”, - dedi Ershat Ońǵarov.
Sondaı-aq qoǵam tarapynan kezdesetin máselelerge qatysty 8 pátýa qarastyrylady.
Olar dastarhandaǵy spırt túrleriniń úkimi, syrttan ákelingen ettiń úkimi, olar adala nemese haram ekendikteri aıtylady.
Paıdalanyp otyrǵan zattardan nemese úı satyp alýǵa jınaǵan aqshadan zeket berýge qatysty úkimder shyǵarylady.
Jıynda osy máseleler ortaǵa salynyp, sońynda arnaıy sheshimi shyǵady.
Ǵulamalar májilisinde qabyldanǵan qujattar men pátýalar keıin keń kólemde jaryqqa shyǵarylyp, elimizdegi meshitterdiń qyzmetkerlerine beriledi.
PAVLODAR
