«Shejireli Mańǵystaý» fotoekspedısııasy uıymdastyryldy

Elimizge belgili fotosýretshi Asylhan Ábdiraıymuly bastaǵan «Fotoóner» qo­ǵamdyq birlestigi músheleri Mańǵys­taýdyń keremet jerlerin aralap, fotoǵa túsirdi.

7-10 maýsym aralyǵynda ótken foto-ekspedısııanyń negizgi maqsaty – ár ól­keniń tylsym tabıǵatyn, ádemi, kórkem jerlerin, ulttyq ónerin, dástúri men mádenıetin kórsetip, shet memleketke tanytý. «Fotoóner» qoǵamdyq birlestigi músheleri tórt kún ishinde Túpqaraǵan, Mańǵystaý, Qaraqııa aýdanynda bolyp, alǵash ret óńirdiń kıeli jerlerine tańǵy jáne túngi ádispen fototúsirilim jasady. Olar Bozjyra, Tobyqty, Tamshyly, Jyǵylǵan, Saýra, Sherqala, Aıraqty sekildi Mańǵystaýdyń syrly jerlerin sýretke túsirdi.

– Mańǵystaý tabıǵatynyń kórkem­digine kóz toımaıdy. Salt-dástúrdi óte berik ustanǵan jer. Túıe sharýashylyǵy damyǵan. Shubattyń otany sanalady. Osynyń bárin bolashaq urpaqqa qal­dyrǵymyz keledi. Myń sózdi bir sýretpen jetkizý bar maqsatymyz, – dedi Túrkistan oblysynyń fotografy, «Fotoóner» QB múshesi Maqsat Shaǵyrbaı.

Ekspedısııa músheleri Mańǵystaýdyń keremetterimen qosa sapardyń sońǵy kúnin Aqtaý irgesindegi Kaspıı jaǵalaýyndaǵy kóriniske arnady. Shahar turǵyndarynyń teńiz jaǵasyndaǵy serýenin, jastardyń án aıtyp, bóbekterdiń baqytty kúlkige bókken sátterin kadrǵa túsirdi.

Ekspedısııa barysynda jas foto­graf­tarǵa sheberlik saǵatyn ótkizý jos­parlanǵan bolatyn, alaıda karantın­ge baılanysty bul shara keıinge qal­dyrylyp, onlaın túrde ótetin boldy. Osylaısha ár aımaqta ótkizilgen «Foto­óner» QB músheleriniń 7-ekspedısııasy kıeli ólkede ótkizildi.

– Fotografııa – bir uǵym bol­ǵa­ny­men onyń janry ártúrli. Bizdiń qu­ram­­daǵy sheber mamandardyń biri ta­bıǵatty, biri adamnyń beınesin, endi biri tý­rıs­tik áleýetin fototuzaqqa aldy. She­teldiń keremet jerleri men ny­san­daryn ǵalamtordan izdegende ká­sibı sýretterge tap bolasyń. Al bizde kó­binese áýesqoı túsirgen sapasyz sýretter shyǵady. Osy olqylyqtyń ornyn toltyrý úshin de atalǵan jumysty qolǵa aldyq, – deıdi T.Júrgenov atyndaǵy óner akademııasynyń ustazy, Almaty qalasynyń «Fotoóner» QB jetekshisi Oń­ǵarbek Alharov.

Izgi shara aldaǵy ýaqytta jalǵasyn tabady.

Mańǵystaý oblysy