Májilisten keıin Bas múftı Máshhúr Júsip atyndaǵy ortalyq meshitte oblysy ókildigine qarasty qala, aýdan ımamdarymen kezdesý ótkizdi.
Jergilikti meshittiń jurtshylyqpen baılanys bóliminiń jetekshisi Amantaı Toıshybaıdyń aıtýynsha, bul kezdesý "Bilim turǵan jerde ıman turady" taqyrybynda ótti.
Bas múftı dástúrli Islam dinin halyqqa nasıhattaý úshin, jastarǵa úlgi bolý úshin "Uly Babalar joly" degen baǵytta osyndaı rýhanı jumysty bastalǵanyna toqtaldy.
Bilimniń mańyzy, bilimdi adamdardyń sıpaty, bilim-ımannyń, kishipeıildiktiń, kórkem minezdiń, meıirimdiliktiń saýyty ekendigi jaıly rýhanı áńgime órbitti.
Al, óńirdegi qala, aýdan ımamdaryna dinimizdi nasıhattaý jolyndaǵy saýapty qyzmetterine tabys tiledi. Sondaı-aq, ımamdar tarapynan aıtylǵan suraqtaryǵa jaýap berdi.
Kezdesý sońynda álemge, elimizge, qasıetti dinimizdiń kórkeıýine baǵyshtalǵan bata-tilekter aıtyldy.
"Babalardyń ómir jolynan úlgi alyp, jastarǵa tanystyrǵymyz keledi. Osy jerde bekitilgen pátýalar, shyǵarylǵan sheshimder eskeriledi degen oıdamyn", - deıdi.
Al, ǵulamalar májilisinde qabyldanǵan qujattar men pátýalar keıin keń kólemde jaryqqa shyǵarylyp, elimizdegi meshitterdiń qyzmetkerlerine beriledi.
PAVLODAR
