Kúdiktilerdiń bireýi aldymen kez kelgen saýda ornyna kirip, munda qandaı nómir boıynsha telefon shalýǵa bolatynyn suraıdy. Dúken ornalasqan úıdiń telefon nómirin bilip alǵan soń, olar nómirdiń sońǵy eki sanyn ózgerte otyryp, sol úıdegi turǵyndarǵa qońyraý shala bastaıdy. Kúdiktiler telefon tutqasyn egde kisi kótergende ǵana sóılesken. Mysaly, jábirlenýshilerdiń birine: "Men sizdiń Máskeýde turatyn týysyńyzbyn. Maǵan tap qazir turmystyq tehnıka satyp alý úshin aqsha kerek bolyp tur edi. Qazir sizge Nıkolaı Petrovıch degen kisi keledi. Aqshanyń sodan berip jiberińiz", degen. Qońyraý shalǵan adamnyń óziniń týysy ekenine sengen zeınetkerler aqshasyn bóten adamnyń qolyna op-ońaı ustatyp jiberip otyrǵan.
"Búginge deıin mundaı 10 jábirlenýshi anyqtaldy. Alaıaqtar 9 maýsym kúni jedel izdestirý sharasy barysynda qolǵa tústi. Bul joly olarǵa kezekti zeınetker óz erkimen 100 myń teńge ustatqan. Kúdiktilerdiń barlyǵy 2002, 1991, 1994 jáne 1996 jyly týǵan Qaraǵandy oblysynyń turǵyndary. Olar Qostanaıda páter jaldap turǵan jáne reseılik tirkeýdegi VAZ-2110 jeńil kóligimen júrgen. Kúdiktilerdiń uıaly telefondary men sım-kartalary tárkilenip alyndy. Qazir alaıaqtyq baby boıynsha qylmystyq is qozǵalyp, sotqa deıingi tergeý amaldary bastaldy. Alaıaqtar Rýdnyı qalasynyń ýaqytsha tergeý ornynda qamaýda jatyr", dedi Rýdnyı qalalyq polısııa basqarmasy basshysynyń orynbasary Erbol Kákenov.
Qostanaı oblysy
