Bul suraqqa qala úshinshi megapolıs ákiminiń baspasóz hatshysy Araı Esenbek resmı jaýap berdi.
"Iá, Eljan Birtanov 10 maýsym kúni Shymkent qalasynda qurylysy aıaqtalǵan ınfeksııalyq gospıtal ǵımaratymen arnaıy kelip tanysqan bolatyn. Dese de, qala ákimi oǵan deıin jáne odan keıin de test tapsyrǵan. Sońǵy ret keshegi jeksenbide tapsyrǵan test nátıjesi teris bolyp shyqty. Soǵan qaramastan Murat Áıtenov adamdar kóp shoǵyrlanatyn jerge shyqpaı, óz kabınetinde qashyqtyqtan jumysyn jalǵastyrýda.", - dedi ol.
Sondaı-aq, Araı Esenbek Murat Áıtenovtyń jıyndardy onlaın rejımde ótkizip otyrǵanyn jáne saqtyq sharalary óz deńgeıinde saqtalyp jatqandyǵyn bas aıtty.
"Jalpy Murat Dúısenbekuly turaqty túrde aptasyna bir-eki ret COVID 19 vırýsyna test tapsyryp turady", - degen qala ákiminiń baspasóz hatshysy Áıtenovtyń densaýlyǵy úshin alańdaǵan azamattarǵa alǵysyn bildirdi.
