Qazaqstan Respýblıkasynda «Gaz jáne gazben jabdyqtaý týraly» QR Zańyna sáıkes (budan ári - Zań) Qazaqstan Respýblıkasynyń ishki naryǵyna elektrondyq saýda alańdarynan tys ótkiziletin suıytylǵan munaı gazyn jetkizý jospary sheńberinde iske asyrylatyn suıytylǵan munaı gazynyń shekti baǵalaryn (budan ári - shekti baǵa) memlekettik retteý júzege asyrylady.
Energetıka mınıstrligi shekti baǵany Ulttyq ekonomıka mınıstrliginiń kelisimimen toqsan saıyn bekitedi jáne ol Qazaqstan Respýblıkasynyń barlyq aýmaǵynda qoldanylady.
Shekti baǵa 2018 jyldyń birinshi toqsany - 2020 jyldyń ekinshi toqsany aralyǵynda QQS esebinsiz 38 701,67 tg/t deńgeıinde saqtaldy.
Shekti baǵa 2020 jyldyń 3-toqsanynda QQS esebinsiz 28 000 tg/t deńgeıinde belgilendi. Buryn, shekti baǵa 2017 jyldyń 1 toqsanynda QQS esebinsiz 28 000 tg/t deńgeıinde belgilengen bolatyn.
Bul rette, Mınıstrlik bekitetin shekti baǵalardyń deńgeıine áser etetin syrtqy naryqtaǵy baǵalar shamadan tys quldyraǵan jaǵdaıda otandyq óndirýshiler úshin saldarlardy barynsha azaıtý maqsatynda shekti baǵany 2017 jyldyń 1-toqsanynda belgilengen baǵalar deńgeıinen, ıaǵnı QQS-syz 28 000 tg/t tómendeýge jol bermeý jóninde tıisti normalar kózdelgen.
О́z kezeginde, suıytylǵan munaı gazyn kóterme saýdada ótkizý:
- suıytylǵan munaı gazyn turmystyq tutynýshylarǵa toptyq rezervýarlyq qondyrǵylar arqyly bólshek saýdada ótkizý;
- suıytylǵan munaı gazyn halyqqa turmystyq ballondarda ótkizý;
- suıytylǵan munaı gazyn avtomobıldik gaz toltyrý stansııalary arqyly ótkizý (avtogaz);
- suıytylǵan munaı gazyn ónerkásiptik tutynýshylarǵa ótkizý qunynyń tómendeýine yqpal etedi.
Tıisinshe, bul oń mýltıplıkatıvtik nátıje beredi jáne tutynýshylardyń shyǵyndaryn azaıtýǵa alyp keledi, ol tótenshe jaǵdaıdan keıin qalpyna keltirý kezeńinde aıryqsha ózekti bolyp tabylady.
