Japon ǵalymdary vırýs joıatyn maska jasady

Japonııanyń Gýnma ýnıver­sıtetiniń ǵalymdary COVID-19 vırýsyn 4 saǵatta joıa alatyn maska oılap tapty. Bul týraly www.elitereaders.com saıty jazdy. Portaldaǵy maqalada ja­zylǵandaı, japondyq ǵalymdar jergilikti Meıseı (Meisei) tek­stıl (tigin) kompanııasymen seriktestikte jumys istep, COVID-19 vırýsyn 4 saǵatta joıa ala­tyn maskasyn tanystyrdy. Mas­kanyń ereksheligi, jańa mys talshyqtarynan jasalǵanynda.

Japon memlekettik meke­­mesiniń feısbýktegi res­mı pa­raqshasynda bul týraly: «NIH (National Institutes of Health – AQSh-taǵy Ulttyq den­saý­­lyq ınstıtýtynyń zertteý qorytyndysy COVID-19 vı­­rý­synyń plastık betinde 3 kún,  mystyń betinde nebári 4 saǵat ómir súre alatynyn kór­setti. Sodan soń ǵalymdar fo­to­­katalıtık spın ádisimen mys­tyń vırýsqa qarsy qabiletin kú­sheıtti. Ári qaraı zertteýshiler Meıseı tigin kompanııasymen bir­lese aldymen mystan jip, keıin mata jasap shyqty. Sol matadan maskalar men basqa da qajetti zattar tigildi», dep jazypty.

Osy jańalyqqa qatysty ja­rııalanǵan fotolardy muqııat qaraǵanymyzda, ǵalymdar men tigin kompanııasy ókilderiniń qolyndaǵy tor maskaǵa kózimiz tústi. Muryn tusy ǵana mys ma­­tadan, qalǵan jeri tordan ti­gilgen eken. Bul qazirgideı jaz­dygúni maskany taǵa almaı, tunshyǵyp júrgenderge edáýir sep bolatyny sózsiz. Aıtpaqshy, ǵa­lymdar men tiginshiler mys matadan qolǵap pen qol súrt­kishterdi de óndirgen.