UBT-2020: Grant tilge emes, bilim berý baǵdarlamasyna bólinedi

Ulttyq testileý ortalyǵy­nyń dırektory Dıdar Sma­ǵu­lov eń aldymen pandemııa jaǵdaıynda UBT-ny ótki­­­z­ý­diń basty erekshelikteri men qolǵa alynǵan daıyndyq jumys­tarynyń barysyna toqtaldy. Ortalyq basshysynyń aıtýyn­sha, talapker testileýge kirý aldynda dezınfeksııalaýdyń 5 kezeńinen (tonnel, aıaq kıimin tazartatyn kilemshe, qolyn an­tıseptıkpen súrtý, dene qy­zýyn ólsheý) ótedi. Osydan soń test tapsyrýshy óziniń bet ál­petin arnaıy baǵdarlama ar­qyly sáıkestendirip, ózi ta­ǵyp kelgen medısınalyq mas­kasyn kireberiste beriletin jańasymen almastyrady. Ári qaraı jyldaǵydaı tekserispen (UBT-ǵa ruqsat etilmeıtin zat­­tardyń bar-joǵyn baqy­laý) testileýge kirip, aýdı­to­rııadaǵy araqashyqtyǵy saq­talǵan orynǵa otyrady. Al testileý ótkiziletin aýdıtorııa ýaqtyly jeldetilip, tes­tilenýshilerdiń ár leginen soń ta­zartylýy tıis.

Bıylǵy UBT-nyń negizgi ózgeristerine kelsek, endi mem­lekettik grant tilge emes, bi­lim berý baǵdarlamasyna bólinedi. Bul shyndyǵynda qoǵamda eń kóp talqylanǵan jáne Memlekettik bilim granttaryn taǵaıyndaý jónindegi konkýrstyq komıssııa jyl saıyn kóteretin, biraq osyǵan deıin sheshimi tabylmaı kelgen másele bolatyn. Sebebi orys tilinde test tapsyrýshylar nebári 50 balmen grantqa tússe, dál sol mamandyqqa qazaq tilinde tapsyrǵan talapkerler 70 balmen grantqa ıe bola almaı jatatyn edi. Osydan soń grant bólinisinde daýly pikirtalastar oryn alyp otyrdy. Mine,  bıyl ata-analar men talapkerler tarapynan aıtylǵan syn óz nátıjesin bergen syńaıly.

2020 jylǵy testileýde ta­lapkerlerge jasalǵan múm­kindikter aıasy keńeıdi. Aı­talyq, Ulttyq testileý orta­lyǵynyń saıtynda ár pán boıyn­sha daıyndyq testileriniń bir-birin qaıtalamaıtyn 70 nusqasy tegin ornalastyryldy. Sondaı-aq bıylǵy mektep túlekteriniń qashyqtan oqytýǵa baılanysty memlekettik bi­tirý emtıhandarynan bosa­tylǵany UBT-ǵa kóbirek kóńil bólýge jaǵdaı jasady. Ári ta­lapkerlerge bıyl alǵash ret UBT ótkizý pýnktinde be­ri­letin qarapaıym kalkýlıa­tordy qoldanýǵa ruqsat be­ril­di. Testileý ýaqytynyń byl­tyrǵydan taǵy 10 mınýtqa uzar­tylýy testileý jumysyn tııa­naqtaýǵa múmkindik beretini sózsiz.