Kolledjde 500-den asa jas bilim alady. "Jas maman" jobasyn júzege asyrý barysynda "Elektrmen qamtamasyz etý" mamandyǵy boıynsha quzyrettilik ortalyǵyn qurý josparlanyp otyr. Oǵan 4 zerthana men sheberhana jáne oqý polıgony kiretin bolady.
"Respýblıkalyq bıýdjet boıynsha kolledjge bıyl 233 mln teńge qarjy bólindi. Jaqyn arada "Elektromontaj" sheberhanasyna, ózge de oqý-jattyǵý polıgondaryna qajet qondyrǵylardy Germanııa, Japonııa, Ulybrıtanııadan ákelip ornatatyn bolady. Kolledjdi aıaqtaǵan jastardyń negizgi bóligi jumyspen qamtylady. Olar "Kókshetaý energo" seriktestigine nemese Elordadaǵy iri kásiporyndarǵa ornalasady", deıdi joǵary agrotehnıkalyq kolledjiniń oqytýshysy Danııar Aqqoshqarov.
Oqý ǵımaratynyń búginde birinshi qabaty tolyǵymen kúrdeli jóndeýden ótip, qaıta jabdyqtalýda. Jańadan jetkiziletin qondyrǵylar da osy jerge ornalastyrylmaq.
