Oblysta sońǵy úsh jyldyń ishinde 13 áleýmettik-mádenı nysan, 7 aýyldyq okrýg, 7 aýyl, 105 kósheniń ataýy ózgergen. Burynǵy Taran aýdany Beıimbet Maılın aýdany atalyp, Zatobol kenti qala mártebesin alyp, Tobyl ataýyna ıe bolyp otyr.
Odan keıin G.Mendekınova Tilderdi qoldaný men damytýdyń 2011-2019 jyldarǵa arnalǵan memlekettik baǵdarlamasynyń óńirde júzege asyrylý barysyna toqtaldy. Basqarma basshysynyń aıtýynsha, oblysta jumys istep jatqan 20 til oqytý ortalyǵynda sońǵy úsh jyl ishinde 18 myńnan astam adam memleketti til úıretý kýrstarynan ótken. 5 myńnan astam adam aǵylshyn tiline mashyqtansa, 437 ár ulttyń ókili óz ana tilin úırený maqsatynda kýrstarǵa qatysqan.
"Tilderdi oqytý aýdan ortalyqtarymen qatar, aýyldyq okrýgterde de uıymdastyryldy. О́tken jyly 70 aýyldyq okrýgta qazaq tilin – 1767 adam, aǵylshyn tilin – 114 adam oqyp shyqty. Bıyl oblysymyzda tilderdi oqytý jumystary jalǵasýda. Jyl basynan beri tilderdi oqytý ortalyqtarynda 8679 tyńdaýshy til úırenip jatyr", - dedi G.Mendekınova.
Qostanaı oblysy
