Aımaqtar • 16 Maýsym, 2020

Tártip buzýshylyqtar sany shekten shyǵýda ekeni kórindi

20 ret kórsetildi

Soltústik Qazaqstan oblysynyń aýmaǵynda tórt kúnge sozylǵan respýblıkalyq "Quqyq tártibi" jedel-profılaktıkalyq sharasy aıaqtalyp, onyń barysynda 900-ge jýyq jol erejesiniń buzýshylyǵy anyqtaldy, - dep habarlaıdy Egemen.kz.

Sonyń ishinde 49 kólikti mas kúıinde júrgizý, 206 júrgizýshilik kýáliksiz rólge otyrý, 259 shekteýli jyldamdyqty saqtamaý bolyp otyr. Velosıpedshiler de óz quqyqtaryn bilmeıdi. Olar kólikke mingenderine qaramaı tek qana jaıaý júrgizýshiler ótetin jerlerde jol bermeı, oıqastap júredi.

Sonymen birge, "Quqyq tártibi" sharasynyń barysynda ýchaskelik ınspektorlar 351 jaısyz turmystaǵy otbasylardyń da úıin tekserdi. Bulardyń ishindegi 42 ata-anaǵa balalaryna durys tárbıe bermegendigi, 156 ata-anaǵa jasóspirim balalarynyń túngi ýaqytqa qaıda júrgenin bilmegendigi úshin hattama toltyrylyp, aıyppul salyndy. Al saýda salasynyń on kásipkeri kámeletke jasy tolmaǵandarǵa temeki ónimderin satqandyǵy úshin aıyp tartty. Jalpy, osy sharanyń barysynda ákimshilik zańnamanyń 3655 buzýshylyǵy anyqtaldy.

"Polısııanyń maqsaty buzýshylyqtar sanyn arttyryp, ózin jaqsy atty kórsetý emes, qala kósheleri men aýlalarda, turǵyn úılerde tártiptiń saqtalýyna qol jetkizý", - deıdi SQO PD bastyǵynyń orynbasary, polısııa polkovnıgi Qanat Aıtbaev.

 

Sońǵy jańalyqtar

Aq úıdiń alǵashqy meımany

Álem • Búgin, 12:15

ShQO-da mal urylary ustaldy

Aımaqtar • Búgin, 11:00

Uqsas jańalyqtar