Geologııalyq barlaý jobasy áriptes − "Qazaqstan Forteskıý" kompanııasymen birlesip iske asyrylatyn bolady. "Taý-Ken Samuryq» UTK" AQ men "Qazaqstan Forteskıý" JShS arasyndaǵy qol qoıylǵan operatorlyq kelisimge sáıkes, izdeý jumystary Qaraǵandy, Almaty, Aqtóbe jáne Qyzylorda oblystarynyń aýmaǵynda jalpy alańy 18 000 km2 júrgiziletin bolady.
"Taý-Ken Samuryq"" UTK" AQ Basqarma Tóraǵasy Qanat Qudaıbergen: "Biz geologııalyq barlaý jobasyn iske asyrýǵa iri ınvestordy tarttyq. Kelisimshart alańynyń mólsherin eskersek, bul Qazaqstan jer qoınaýynyń zerttelýin arttyrýǵa eleýli úles bolady. Bolashaqta biz kommersııalyq mańyzdy ken oryndaryn tabamyz dep úmittenemiz".
"Qazaqstan Forteskıý" JShS-metallýrgııa ónerkásibiniń álemdik kóshbasshysy avstralııalyq "Fortescue Metals Group Ltd" júz paıyzdyq enshiles kompanııasy. "Fortescue Metals Group" óndiristiń joǵary mádenıetine, ınnovasııalarǵa, álemdik deńgeıdegi ınfraqurylym men taý-ken aktıvteriniń ozyq damýyna baǵdarlanǵan.
Elızabet Geıns, "Fortescue Metals Group" kompanııasynyń bas atqarýshy dırektory: "Fortescue ekonomıkany elektrlendirý men kómirteksizdendirýdi qoldaı otyryp, ónimderdi ártaraptandyrý jáne aktıvterdi damytý esebinen bolashaqta ósýdi yntalandyrý úshin óziniń álemdik deńgeıdegi geologııalyq barlaý tájirıbesine, óndiristik bedeline, óz qyzmetkerleriniń daǵdylary men qabiletine súıenedi. Biz mysty qosa alǵanda, birqatar shıkizat taýaryna baılanysty múmkindikterdi zertteý úshin "Taý-Ken Samuryq" kompanııasymen birge qyzmet etemiz".
Birinshi jyl ishinde "Qazaqstan Forteskıý" qolda bar geologııalyq derekterdi jınap, taldaıdy, sondaı-aq magnıttik jáne gravıtasııalyq derekterdi jınaý úshin keń aýqymdy aerogeofızıkalyq zertteýler júrgizedi.
Geofızıkalyq túsirý keıingi jyldary mıneraldanýdyń perspektıvaly aýdandaryn anyqtaý jáne taldaý úshin qurylymdyq geologııa men kartaǵa túsirýdi egjeı-tegjeıli túsindirýmen, sondaı-aq keshendi jerústi geofızıkalyq zertteýlermen jáne burǵylaýmen tolyqtyrylatyn bolady.
Anyqtama: Avstralııalyq Fortescue Metals Group Ltd kompanııasy – Avstralııalyq qor bırjasynda tirkelgen, naryqtyq kapıtaldandyrýy 30 mlrd. dollardy quraıtyn jarııa kompanııa. Fortescue Metals Group ózi jumys isteıtin óńirlerdiń ekonomıkalyq damýyn, qaýipsizdigin, eńbekti, ekologııany qorǵaýdy qoldaýǵa jáne jergilikti qoǵamdastyqtardy jan-jaqty qoldaýǵa erekshe nazar aýdarady.
