Pákistan armııasynyń general-maıory Babar Iftıhar: "Úndi kúshteri baqylaý syzyǵynyń boıyndaǵy Nıkıal jáne Bagsar sektorlarynda atysty toqtatý sátinde kelisimdi buzyp, beıbit turǵyndardy nysanaǵa alǵan. Onyń ishinde áıel azamatshasyn qosqanda 4-eýi jazyqsyz mert bolyp, 1-eýi jaraqat aldy", deıdi Twitter paraqshasynda.
Úndistan men Pákistan arasyndaǵy qaqtyǵystar 2019 jyldyń 5 tamyzynda bastaldy desek bolady. Sebebi Nıý-Delıde ótken Djammý men Kashmırdegi shtattar sanyn qysqartý týraly sheshim qabyldaǵannan keıin jaǵdaı shıelenise tústi. Sonyń negizinde eki odaqtyq aýmaq qurý týraly sóz boldy.
Jaǵdaıdy óz paıdasyna sheshken Úndistan parlamenti memlekettik konstıtýsııanyń 370-babyna keri ókim shyǵarady. Al Kashmırdiń úndi bóligine kiretin Pákistan úshin bul sheshim ońtaıly emes edi.
Dúrbeleńi kóp máseleden keıin brıtandyq Úndistannyń musylman aımaqtary Pákistannyń jeke aımaqtaryna qyrǵı-qabaq qaraı bastady. Djammý men Kashmırdiń kópshiligi musylman qaýym bolǵandyqtan, jalǵyz úndi memleketi bolyp qala beredi.
Ol aımaqta tek separatıster belsendi jumys isteıdi. Sondyqtan Nıý-Delı tarapy separatısterdi jaqtasyp otyr dep aıyptady. Islamabad bul aıyptaýlardy joqqa shyǵaryp, Kashmır turǵyndary onsyzda óz quqyqtary úshin derbes kúresip jatyr dep atap ótti.
