О́zekti máseleler boıynsha elimizdiń barlyq óńirindegi bıznes ókilderinen kelip túsken usynystardy júıeleý qorytyndylary egjeı-tegjeıli talqylandy.
Bıznesti qoldaý jónindegi qosymsha sharalar 41 is-sharany qamtıdy jáne satyp alýdy, qazaqstandyq qamtýdy, aýyl sharýashylyǵy tehnıkasynyń lızıngin, nesıelerdi qaıta qarjylandyrý múmkindikterin, taýarlardy eksportqa ilgeriletý men rásimderdi ońaılatýdy qosa alǵanda, kásipkerliktiń qazirgi máselelerin sheshýge baǵyttalǵan.
Orta merzimdi perspektıvaǵa arnalǵan jańa ekonomıkalyq baǵytty qalyptastyrý tásilderi tanystyryldy. Ekonomıkany ındýstrııalandyrý, ınvestısııa tartý, shıkizattyq emes eksportty ulǵaıtý, sapaly sıfrlandyrý, ınfraqurylymdy, adamı kapıtaldy damytý jáne ónimdi jumyspen qamtýǵa járdemdesý boıynsha negizgi baǵyttar qaraldy.
Úkimet basshysy memlekettik organdarǵa usynylǵan tásilderdi qarap, Memlekettik komıssııanyń qaraýyna Strategııalyq jospar jobasyna shoǵyrlandyrylǵan pozısııany engizýdi tapsyrdy.
