Bul týraly oqý ornynyń rektory Gaýhar Aldambergenova áleýmettik jelidegi paraqshalarynda jazdy.
"Álemdi sharpyǵan COVID 19 indetin Qazaqstan Respýblıkasynyń Tuńǵysh Prezıdenti de juqtyryp aldy.
Elbasynyń baspasóz qyzmetiniń "Nursultan Ábishuly ózin-ózi oqshaýlady. О́kinishke qaraı, Elbasynyń koronavırýs ınfeksııasyna tapsyrǵan sońǵy synamasy oń nátıje kórsetti" delingen habarlamasyn Qazaq ulttyq qyzdar pedagogıkalyq ýnıversıtetiniń ujymy men bilim alýshylary erekshe qobaljýmen jáne alańdaı otyryp qabyldady.
О́zimniń jáne oqý ornynyń atynan Elbasyna tezirek saýyǵyp, táýelsiz Qazaq eliniń damýy men ıgiligi jolynda uzaq ta tabysty eńbek etýdi tileımin.
Búginde Nursultan Ábishuly ózin jaqsy ári sergek sezinýde jáne qashyqtan jumys istep jatyr. Elbasymyz únemi salaýatty ómir saltyn ustanyp, otandastarymyzǵa sony keńinen nasıhattap júretini belgili. Sondyqtan Tuńǵysh Prezıdentimiz bul synaqty da ońaı jeńetinine kámil senimdimiz", – dep jazady Qyzdar ýnıversıtetiniń rektory.
