Medısına • 19 Maýsym, 2020

1406 baılanys ortalyǵyna habarlasýshylar sany 2 ese artty

101 ret kórsetildi

1406 baılanys ortalyǵyna KVI-ǵa test tapsyrý máselesi boıynsha habarlasýshylar sany 2 ese artty. Baılanys ortalyǵyna túsetin qońyraýlardyń kópshiligi koronavırýs boıynsha aýrýhanaǵa ornalastyrý máselelerine qatysty. Bul týraly "Áleýmettik medısınalyq saqtandyrý qory" KeAQ-nyń Nur-Sultan qalasy boıynsha baspasóz qyzmeti habarlaıdy, dep jazady Egemen.kz

Turǵyndar PTR-test tapsyrý, koronavırýs jáne syrqattyń sımptomsyz aǵymynyń belgileri týraly suraıdy. Medısına uıymdarynyń jumysyn, aýrýhanaǵa josparly jatqyzý jaǵyn túsindirýdi ótinedi.

"Bizdiń aımaqtyq fılıaldarymyz jergilikti densaýlyq saqtaý basqarmalarymen tyǵyz baılanysta,  elimizdiń árbir turǵynyna barynsha kómektesýge tyrysady. PTR-taldaý tapsyrýǵa qatysty suraqtar túsip jatqandyqtan, aıta ketkim keledi: Bas sanıtarlyq dárigerdiń qaýlysyna sáıkes, 10 sanat boıynsha COVID-19-ǵa testileý aqysyn Qor tóleıdi", dep atap ótti Áleýmettik medısınalyq saqtandyrý qorynyń Basqarma tóraǵasynyń orynbasary  Marat Shoranov.

Naqty aıtqanda, Qor qarajaty esebinen koronavırýsqa aqysyz PTR-taldaýdan ótýge quqyly azamattar:

tegin kepildendirilgen medısınalyq kómek kóleminde:

  • ınfeksııalyq stasıonarlarǵa jatqyzylǵan pasıentter;
  • COVID-19 bolýy múmkin degen kúdikpen provızorlyq stasıonarlarǵa jatqyzylǵan pasıentter;
  • COVID-19 bolýy múmkin, JRVI jáne pnevmonııa belgileri bar, stasıonarlyq deńgeıdegi pasıentter;
  • Úıde oqshaýlaýǵa jaǵdaı bolmaǵanda karantındik ızolıatorǵa sımptomsyz COVID-19-pen jatqyzylǵan azamattar (PTR-tekserý, bul sanattaǵylar úshin, sol jatqan stasıonarlarda júrgiziledi);
  • COVID-19 bolýy múmkin, JRVI jáne pnevmonııa belgileri bar, ambýlatorlyq deńgeıdegi pasıentter;
  • sımptomsyz COVID-19-pen BMSK dáriger baqylaýyndaǵy azamattar(PTR-tekserý, bul sanattaǵylar úshin, tirkelgen orny boıynsha emhanalarda taǵaıyndalady);

mindetti áleýmettik medısınalyq saqtandyrý aıasynda:

  • aýrýhanaǵa josparly túrde jatqyzylǵan pasıentter, onyń ishinde 37 apta merziminde bosandyrýǵa ruqsat berilgen júkti áıelder (PTR-tekserý tirkelgen orny boıynsha emhanalarda taǵaıyndalady);
  • aýrýhanaǵa shuǵyl túrde jatqyzylǵan pasıentter, onyń ishinde júkti áıelder men bala bosanǵan analar (PTR-tekserý stasıonarda júrgiziledi);
  • gemodıalızde jatqan pasıentter (PTR-tekserý tirkelgen orny boıynsha emhanalarda taǵaıyndalady);
  • jańa týylǵan náresteler, klınıkalyq hattamaǵa sáıkes (PTR-tekserý stasıonarda júrgiziledi).

 

Zertteý jumystaryn uıymdastyrýmen jáne basqa da qosalqy máselelermen aımaqtyq densaýlyq saqtaý basqarmalary aınalysady.

"Qazirgi ýaqytta birqatar aımaqtaǵy medısına uıymdarynyń ınfraqurylymdary qalyptasqan júktemelerdi kótere almaýda.  Osyǵan baılanysty test tapsyrǵysy keletinderdiń kezegi baıqalady. Bul da test nátıjesiniń jyldam usynylýyna áser etedi. Qor tarapynan biz medısınalyq uıymdardyń qyzmet aqysyn ýaqytyly tóleý jónindegi mindettemelerimizdi oryndaýǵa daıynbyz, dedi Marat Shoranov.

Eger quqyly azamattarǵa tegin taldaý jasaýdan bas tartqan jaǵdaıda, Áleýmettik medısınalyq saqtandyrý qorynyń 1406 baılanys ortalyǵyna nemese Qoldau-24/7 mobıldi qosymshasy arqyly habarlasýǵa bolady. Bul kezde ótinim onlaın tártipte birden medısına uıymynynyń bas dárigerine túsedi.

Esterińizge salamyz, Áleýmettik medısınalyq saqtandyrý qory halyqty densaýlyq saqtaý máseleleri, MÁMS júıesi jaıynda aqparattandyrý boıynsha táýlik boıy jumys isteıtin baılanys ortalyǵyn uıymdastyrdy.  Al tótenshe jaǵdaı kezinde koronavırýs boıynsha jedel jeli retinde jarııalandy. Jelige medısınalyq qyzmet kórsetý sapasyn monıtorıngteý bóliminiń mamandary tartylǵan,  olar ár aımaqtaǵy medısına uıymdarymen birlese otyryp, jumys isteıdi.

 

 

Sońǵy jańalyqtar

Kabýlda jarylys boldy

Oqıǵa • Keshe

Almatyda baqylaý kúsheıtildi

Koronavırýs • Keshe

Tiliksiz ota jasaldy

Medısına • Keshe

Uqsas jańalyqtar