Ekonomıka • 19 Maýsym, 2020

Qazaqstanda medısınalyq maska shyǵaratyn taǵy 4 jańa kásiporyn ashylady

55 ret kórsetildi

Premer-Mınıstr Asqar Mamınniń tóraǵalyǵymen ótken Úkimet otyrysynda jeke qorǵaný quraldaryn óndirý týraly ındýstrııa jáne ınfraqurylymdyq damý mınıstri Beıbit Atamqulov baıandady, - dep habarlaıdy Egemen.kz.

Mınıstrdiń aıtýynsha, ishki naryqty jeke qorǵaný quraldarymen qamtamasyz etý maqsatynda otandyq ónimderdi shyǵarý boıynsha óndiristik qýatty ulǵaıtý jalǵastyrylýda.

Medısınalyq maskalar óndirisi

Densaýlyq saqtaý mınıstrliginiń derekteri boıynsha 6 aıǵa maskaǵa degen qajettilik 111,2 mln danany quraıdy.

"Búgingi tańda 9 otandyq kásiporynnyń qýattylyǵy táýligine 490 myń dana medısınalyq maska shyǵarýǵa múmkindik beredi. О́ndiris kólemin ulǵaıtý maqsatynda osy jyldyń sońyna deıin 4 jańa kásiporyn ashýdy josparlap otyrmyz", — dedi B. Atamqulov.

Osy jobalardy iske qosý jáne jumys istep turǵan kásiporyndardyń óndiris kólemin ulǵaıtý táýligine 1,1 mln dana maska shyǵarýǵa múmkindik beredi. 

Kóp rettik maskalar óndirisi

Tutastaı alǵanda halyqtyń maskaǵa degen qajettiligi osy kezeńde (6 aı) 144 mln danany quraıdy.

Búginde barlyq maskalardyń táýlik saıynǵy kólemi 413 myń danany quraıdy.

"Halyqty qajetti maskalar sanymen qamtamasyz etý úshin biz tigin kásiporyndary esebinen kóp márte qoldanylatyn, aldyn alý, qorǵaý maskalarynyń óndiris kólemin táýligine 800 myń danaǵa deıin ulǵaıtýdy josparlap otyrmyz", — dedi mınıstr.

Jergilikti atqarýshy organdar tigin kásiporyndarymen kóp márte qoldanylatyn maskalar qoryn qurý boıynsha jumysty bastady.

Medısınalyq qolǵaptar óndirisi

Medısınalyq qolǵaptarǵa qajettilik 83,7 mln jup qolǵapty quraıdy. Qazirgi ýaqytta eki kásiporyn táýligine 330 myń jup qolǵap shyǵarady, ári qaraı biz óndiris kólemin táýligine 460 myń jupqa deıin arttyrýdy josparlap otyrmyz.

Qorǵanysh kostıýmderimen qamtý

6 aıǵa qorǵanysh kostıýmderiniń qajettiligi 1,3 mln.danany quraıdy (Densaýlyq saqtaý júıesi úshin 747 myń dana jáne memlekettik organdar úshin 540 myń dana). О́ndiris kólemin arttyrý úshin osy jyldyń sońyna deıin 3 jańa kásiporyndy iske qosý josparlanǵan.

"Sondaı-aq biz jumys istep turǵan kásiporyndardyń óndiris kólemin ulǵaıtýdy josparlap otyrmyz. Bul sharalardyń barlyǵy qorǵanys kostıýmderin óndirý kólemin aıyna 800 myń danaǵa deıin jetkizýge múmkindik beredi", — dedi B. Atamqulov.

О́kpeni jasandy jeldetý apparattary óndirisi

Densaýlyq saqtaý mınıstrliginiń aqparaty boıynsha 6 aıda atalmysh qurylǵyǵa degen qajettilik 132 danany quraıdy. "Kókshetaý-4p" mobıldik apparattary "Tynys" aksıonerlik qoǵamy bazasynda óndiriledi.

Búginde 380 birlik ókpeni jasandy jeldetý apparaty óndirildi, onyń ishinde 164 birlik jóneltýge daıyn, 216 birlik zaýyttyq synaqtardan ótýde. Qalǵan 200 birlik osy jyldyń shilde aıynyń sońyna deıin tapsyrylady. Stasıonarlyq apparattardy qosymsha shyǵarý maqsatynda túrik jáne qytaı seriktesterimen óndiristi ıgerý júrgizilýde.

"BARK Tehnolodjı" jaýapkershiligi shekteýli seriktestigi qazaqstandyq joǵary tehnologııalyq jobasy ázirlenýde (Nur-Sultan q.)

"Osy jyldyń shilde aıynyń sońyna deıin kompanııa óz ázirlemelerin aıaqtaıdy jáne aqysyz negizde QR Densaýlyq saqtaý mınıstrligine testileý úshin 20 apparat beredi. Qalǵan 112 birlik osy jyldyń tamyz-qyrkúıek aılarynda shyǵarylady", — dedi B. Atamqulov.

Aıta ketý kerek, "Qazmedtprıbor" jaýapkershiligi shekteýli seriktestigi, "OralMedRegıon" jaýapkershiligi shekteýli seriktestigi ókpeni jasandy jeldetý apparattaryn shyǵarýǵa barlyq tehnıkalyq bazasy bar, olar qajetti ónim shyǵarýǵa daıyn.

Farmasevtıkalyq saladaǵy memlekettik qoldaý sharalarynyń biri — tegin medısınalyq kómektiń kepildik berilgen kólemi sheńberinde uzaq merzimdi sharttar jasasý.

"Sondaı-aq otandyq taýar óndirýshilerdi qoldaý maqsatynda jergilikti atqarýshy organdardy otandyq kásiporyndardyń ónimderine basa nazar aýdarýdy suraımyz. Bul bizdiń kásiporyndarǵa óndiristik qýattardy arttyrýǵa jáne jańa óndiristerdi iske qosýǵa serpin beredi", — dep túıindedi mınıstr.

Sońǵy jańalyqtar

Uqsas jańalyqtar