"Aldymen oblystyq mańyzy bar "Qarameńdi-Razdolnyı-Aralkól" avtomobıl jolynyń 23-34 shaqyrymynda júrip jatqan ortasha jóndeý jumystarymen tanystym. Kúre joldy jóndeýge 477 mln teńge bólindi. Bul jumystar shilde aıynda aıaqtalýy tıis.
Sondaı-aq, Qarameńdi aýylyndaǵy jylý qubyry men qazandyq qurylysynyń barysymen tanystym. "Aýyl-el besigi" baǵdarlamasy aıasynda munda 331 mln teńgege jóndeý jumystary júrgizilýde. Qýaty saǵatyna 3,3 gıgakalorııa bolatyn jylý jelisiniń uzyndyǵy 2 shaqyrymnan asady. Jańa jylý qubyryna ortalyq aýrýhana korpýstary, ákimshilik jáne áleýmettik ǵımarattar, turǵyn úıler men bıznes nysandary qosylady. Qurylys kezeńinde 26 adam jumysqa ornalastyryldy, paıdalaný kezeńinde 10 adam jumysqa ornalasady" - dedi A.Muhambetov.
Oblys ákimi odan keıin "Jumyspen qamtý jol kartasy" memlekettik baǵdarlamasy aıasyndaǵy jobalardy júzege asyrý barysyn tekserdi. Jalpy somasy 80 mln teńgeni quraıtyn aýdandyq aýrýhana ǵımaratyn jóndeý jumystaryn qarap shyqty. Sondaı-aq, Qaramendi aýyly Abaı kóshesindegi 18 páterli úıdi qaıta jańartý barysyn tekserdi. Jobanyń quny - 107 mln teńge. Nysanda 30 adam jumysqa ornalasqan.
Oblys basshysy bıyl aqpan aıynda ashylǵan "Naýyrzym kómek" front-ofısinde boldy. Jobanyń quny - 2,5 mln teńge. Munda azamattarǵa memlekettik qyzmetter men keńester kórsetiledi.
Qostanaı oblysy
